Opel şirkəti sürət rekordunun 90 illik yubileyini qeyd edib

90 il bundan öncə Opel şirkəti sürət rekorduna imza atıb. Markanın banisi Adam Opelin nəvəsi Frits fon Opel RAK 2 avtomobilin sükanı arxasında o zaman üçün fantastik olan 238 km/saat həddinə qədər sürətlənib.

Rekord avtomobili üzərində çalışmalar 1927-ci ildə başlayıb. Bu lahiyəni həyata keçirmək üçün Frits fon Opel avstriyalı naşir və astronomu Maks Valyeni, həmçinin siqnal raketlərinin istehsalı üzrə firmanın yaradıcısı olan Fridrix Sanderi cəlb edib. Onlar 1928-ci ilin mart ayında 12 sərtgövdəli sürətləndiricilər ilə təchiz edilmiş ilk prototipi Opel şirkətnin Rüsselshaymdakı poliqonunda sınaqdan keçiriblər.

Avtomobili Opel 10/40 modelinin bazasında hazırlayıblar Onun uzunluğu 4880 millimetr, mühərriksiz və transmissiyasız çəkisi isə 560 kiloqram təşkil edib. RAK 2 modelinin maraqlı xüsusiyyətlərindən biri onun yerəbasma gücünü artıran antiqanadları olub. İlk yürüş zamanı RAK 2 100 km/saat həddinə səkkiz saniyəyə sürətlənib, lakin mühəndislər komandası sınaqlara davam edərək yeni sürət rekordunu əldə etmək qərarına gəliblər. RAK 2 prototipinin son variantını altı ton dartma gücü hasil edən 24 sürətləndirici ilə təchiz ediblər.

Bu uğurdan sonra Frits fon Opel raket avtomobilləri ilə eksperimentlərini davam etdirib və 24 iyun tarixində relsli nəqliyyat vasitələri üçün rekordu qeydə alıb. raket sürətləndiriciləri ilə təchiz edilmiş RAK 3 drezinasında o 256 km/saata qədər sürətlənib.

ДРУГИЕ СТАТЬИ