Dodge şirkəti Viper modelini dirçəltmək arzusundadır

"Car and Driver" nəşrinin əldə etdiyi məlumata əsasən Dodge şirkəti Viper superkarını dirçəltmək niyyətindədir. İlkin məlumata görə, amerikan istehsalçısı yeni superkarın carçısını 2019-cu ilin yanvarında açılacaq Detroyt avtosalonunda nümayiş etdirəcəkdir.

Superkarın seriya variantının isə 2020-2021-ci illərdə buraxılacağı da ehtamal edilir. Yeni Dodge Viper modelinin alüminium və karbondan hazırlanmış məkanvari arxitekturaya malik olan platformada inşa ediləcəyi söylənilir. Avtomobilin klassik ölçüləri qorunub-saxlansa da, superkar on silindrli mühərrikdən məhrum olacaqdır. Üstəlik, ilkin olaraq model rodster kuzovu ilə buraxılacaqdır.

V10 mühərrikinin yerini səkkiz silindrli atmosfer mühərriki tutacaqdır. İlkin məlumata görə, bu mühərrik 557 at qüvvəsi hasil edəcəkdir. Avtomobilin təchiz ediləcəyi daha bir mühərrik Hellcat V8 aqreqatının ikinci nəsli ola bilər - bu mühərrik 710 at qüvvəsi təklif edəcəkdir. Mühərriklər yalnız mexaniki ötürmələr qutusu ilə təchiz ediləcəkdirlər. Superkarın qiymətinin 90 min dollar təşkil edəcəyi də söylənilir. 

ДРУГИЕ СТАТЬИ