Paris avtosalonunda iştirakdan imtina edən markaların sayı 15-ə çatib

Bu ilin payızında Parisdə keçiriləcək beynəlxalq avtomobil sərgisində iştirak etməkdən imtina edən markaların sayı 15-ə çatıb. Bu günlərdə Alfa Romeo, Fiat və Jeep markaları iştirakdan imtina etdiklərini bəyan ediblər. Xatırladaq ki, Paris avtosalonu 2-14 oktyabr tarixlərində keçiriləcəkdir.

Fiat Chrysler Automobiles ittifaqına daxil olan iki üç markanın iştirakdan imtina etməinə baxmayaraq, bu konsernə daxil olan digər iki marka Parisdə öz avtomobillərini nümayiş etdirəcəkdir. Bu markalar Ferrari və Maseratidir. Konserndən verilən məlumatda üç markanın əvvəlcədən öz məhsullarını Parisə gətirməyəcəyini planlaşdırdığı da bildirilibdir. Əvvəllər Paris avtosalonunda iştirakdan Nissan, Volkswagen, Volvo, Opel, Mazda, Infiniti, Mitsubishi, Subaru, Ford, DS Automobiles, Rolls-Royce və Aston Martin imtina etmişdirlər. Volkswagen konserninə daxil olan Audi, Porsche, Seat və Skoda markaları isə öz məhsullarını fransızlara nümayiş etdirmək qərarına gəliblər. Lamborghini markasının bu sərgini buraxacağı bildirilsə də, sonradan italyanlar iştiraklarını təsdiq ediblər.

Bir müddət bundan öncə, Audi, BMW və Mercedes-Benz markaları Detroyt avtosalonunda iştirak etməyəcəklərini bəyan ediblər. Bunun əvəzinə onlar Las-Veqasda keçirilən istehlak elektronikasının sərgisində (CES) iştirak edəcəkdirlər.  

ДРУГИЕ СТАТЬИ