Yeni nəsil Mercedes-Benz GLE modelinin prototipləri cəsuslara yaxalanıb

Bu günlərdə yeni avtomobil “ovçularına” Mercedes-Benz GLE krossoverinin növbəti nəslinin prototipləri rast gəliblər. Özü də minimal kamuflyaj örtüyü ilə. Bu, W167 daxili koda malik olan krossoverin yaxın zamanlarda təqdim ediləcəyindən xəbər verir.

Krossoverin cəsus fotoşəkillərinə nəzər saldıqda, ilk növbədə, avtomobilin iri maili arxa dayaqları olan tanış profilini qoruyub-saxladığının şahidi oluruq. Digər tərəfdən, GLE Coupe modelinin üslubunda olan təkər tağları nəzərə çarpır. Etiraf edək ki, cari nəsil GLE modelinin təkər tağları onu Hyunda ix35 krossoverinə bənzər edirdi. Bu bənzərliyin isə uğurlu olduğunu söyləyə bilmərik. Bundan başqa, krossoverin arxa fənərləri də nazik formaya malik olub – çox güman ki, arxa işıq texnikası son nəsil Mercedes-Benz CLS modelindəki fənərlərlə bənzərlik daşıyacaqdır. Əslində görüntülər avtomobilin yenilənmədən keçdiyi təəssüratını yaratsa da, arxa qapının forması bunun əksini söyləyir.

Artıq Mercedes-Benz GLE modelinin əsas rəqibi olan BMW X5 krossoverinin dördüncü nəslinin təqdim edildiyini nəzərə alsaq, 2015-ci ildən konveyer həyatı yaşayan GLE krossoverin debütünün çox yaxın olduğunu söyləyə bilərik.

ДРУГИЕ СТАТЬИ