Fiat "macəraçı" 500X krossoverini hazırlayıb

Məlumdur ki, amerikalılar kiçik ölçülü avtomobilləri o qədər də sevmirlər. Bunu Fiat 500X krossoverinin timsalında müşahidə etmək olar. 2015-ci ildə satışlarına başlanmış krossover bir il sonra 12600 nüsxəlik tirajla satılıb. 2017-ci ildə isə, satılan avtomobillərin sayı 7665 ədədə düşüb.

Krossoverin planlaşdırılan modernləşdirilməsinə hələlik müəyyən müddət vardır. Bu səbəbdən də Fiat şirkəti modelə olan marağı artırmaq üçün xüsusi Adventurer versiyasını hazırlayıb. “Məcarələr axtaran” 500X Adventurer modeli adi krossoverdən qara və gümüşü plastikdən örtükləri olan dəyişdirilmiş bamperlər, həmçinin genişləndirilmiş avadanlıq siyahısı ilə fərqlənir.

Adventurer modifikasiyasının xüsusiyyətlərindən biri 18-düymlük təkər diskləri, damdakı relinqlər, yan güzgülərin gövdələrinin seçilən rəngi və yan tərəfdəki zolarlardır.

Krossoverin salonundakı yenilik  xüsusi ayaqaltılardan və baqaj bölümündəki iri rezin örtükdən ibarətdir. Texniki cəhətdən “macəraçı” adi krossoverdən heç nə ilə fərqlənmir. ABŞ bazarında Fiat 500X 180 at qüvvəli 1,8-litrlik mühərrik və doqquz pilləli avtomatik qutu ilə təklif edilir. Ötürmə sistemi öndən və tam çəkişli ola bilər.

Xatırladaq ki, 2017-ci iləd Avropa bazarında da satışlarda eniş müşahidə olunsa da, bu ilin dörd ayında satış rəqəmləri keçən ilin müvafiq dövrü ilə müqayisədə 8,3% artıb..

ДРУГИЕ СТАТЬИ