Jeep yenilənmiş Renegade barədə məlumat verib

Jeep şirkəti iyun ayının əvvəllərində təqdim etdiyi yenilənmiş Renegade modeli barədə ətraflı məlumatı dərc edib. Məlumdur ki, yenilənmiş Jeep Renegade 1,0 və 1,3-litrlik mühərriklərə sahib olub.

Restaylinq keçmiş krossover sələfindən işıqdiodlarından hazırlanmış fənərləri, başqa radiator barmaqlığı, hava girişlərinin və duman əleyhinə fənərlərin yeni tərtibatına malik olan ön bamperi, həmçinin təkmilləşdirilmiş arxa fənərləri ilə fərqlənir. Krossoverin salonunda da dəyişikliklər mövcuddur.

Yeniliklər klimat-kontrol sisteminin yeni blokundan, 5,0 və 8,4 düymlük displeylər ilə təchiz edilən yeni multimedia sistemidən, smartfon dəstəyindən, həmçinin iPad Mini üçün xüsusi cib də daxil olmaqla müxtəlif xırda əşyalar üçün əlavə bölmələrdən ibarətdir.

Jeep Renegade standart olaraq 120 at qüvvəsi və 190 Nm fırlanma anı təklif edən 1,0-litrlik üç silindrli benzin mühərriki ilə təklif edilir. Digər yenilik isə, 150 və 180 at qüvvəsi hasil edən 1,3-litrlik dörd silindrli turbomühərrikdir.

Hər iki variantda fırlanma anı 270 Nm təşkil edir. Üç silindrli mühərrik mexaniki transmissiya və öndən çəkiş sistemi ilə təklif edilir. 150 at qüvvəli variant altı pilləli “robot” və öndən çəkişlə, 180 at qüvvəli modifikasiya isə, doqquz pilləli “avtomat” və tam çəkiş sistemi ilə təchiz edilir.

Renegade modelinin mühərrik çeşidinə dizel güc aqreqatları da daxil edilibdir. Bunlar 120 at qüvvəli 1,6-litrlik, 140 və 170 at qüvvəli 2,0-litrlik dizel aqreqatlarıdır. 1,6-litrlik variant “robotla”, 2,0-litrlik mühərriklər isə “avtomatla” tandemdə çalışırlar. Ofrouderin təchizatına öndən çarpışmaları xəbərdar edən sistem, yol nişanlarını tanıma və zolaqda saxlama funksiyası, kor zonalar nəzarət sistemi, avtomatik parketmə və adaptiv kruiz-kontrol daxildir.

Avropada yenilənmiş Jeep Renegade sentyabr ayından başlayaraq satılacaqdır. Azərbaycan bazarında avtomobil ilin sonuna qədər debüt edəcəyi ehtimal olunur.

ДРУГИЕ СТАТЬИ