Yenilənmiş Hyundai Elantra modelinin şəkilləri peyda olub

İnternet şəbəkəsində yenilənmiş Hyundai Elantra modelinin fotoşəkilləri peyda olub. Modelin dizaynı tamamilə dəyişdirilibdir. Artıq Elantra modelinin dizaynı koreya istehsalçısının model xəttində olan avtomobillərin dizaynından ciddi şəkildə fərqlənir. İlkin məlumatlara görə, Elantra yeni mühərrik çeşidinə də malik olacaqdır.

Yenilənmiş Hyundai Elantra yeni ön və arxa bamperə, həmçinin yeni formalı ön fənərlərə sahib olacaqdır. Avtomobilin arxa işıq texnikası da formalarını dəyişəcəkdir. Elantra modelinin mühərrik çeşidinə Smart Stream ailəsindən olan yeni güc aqreqatı daxil olacaqdır.

Bu bir müddət bundan öncə Kia Cerato modelində debüt edən 123 at qüvvəsi və 154 Nm fırlanma anına malik olan 1,6-litrlik atmosfer mühərrikidir. Koreya bazarında yenilənmiş Hyundai Elantra modeli avqust ayından başlanaraq satılacaqdır. Digər bazarlarda isə avtomobil ilin sonunda satışa çıxamalıdır.

ДРУГИЕ СТАТЬИ