Mercedes-AMG bölməsi GT kupesinin top versiyasını təqdim edib. 63 S E Performance indeksini almış kupe 816 at qüvvəsi və 1420 Nm fırlanma anı hasil edən güc qurğusuna malikdir. Onun kapotunun altında 4,0-litrlik V8 benzin turbomühərriki, arxa oxda isə, özündə elektrik mühərriki, ikipilləli ötürmələr qutusunu və yüksək sürtünməli differensialı birləşdirən AMG Electric Drive Unit qurğusu yerləşir.
Kupenin top versiyası 100 km/saata 2,8 saniyəyə sürətlənir - 585 at qüvvəli AMG GT 63 modeli ilk “yüzlüyü” toplamağa 3,2 saniyə, AMG SL 63 S E Performance hibridi və Mercedes-AMG One hiperkarı isə, 2,9 saniyə sərf edir. Sportkar AMG Performance 4Matic+ tam ötürmə sisteminə malikdir. O, “bərkgedən” rodsterlə eyni 6,1 kilovat-saatlıq dartma batareyasını bölüşür. Elektrik dartması ilə kupe 13 kilometr məsafə qət edə bilər. Onun elektrik ötürməsi ilə maksimal sürəti 130 km/saatdır.
Hidravlik xətlərin köməkliyi ilə yana əyilmələrin aktiv boğulması funksiyasına malik olan AMG Active Ride Control asqısı yol səthindəki kələ-kötürləri kompensasiya edir, sıx döngələrdə yırğalanmaları azaldır və ümumi rahatlığı artırır. Bundan başqa, kupenin təchizatına tam idarələnən şassi və daha böyük karbon-keramik əyləclər, həmçinin yenidən tənzimlənmiş aktiv aerodinamika kompleksi daxildir. Yeni versiyanın qiyməti hələlik açıqlanmayıb.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
