Müəllif Mercedes-Benz şirkəti rəsmi olaraq Maybach subbrendi altında buraxılan ilk ofroderi təqdim etmişdir. Gözlənilənin əksinə olaraq Maybach emblemini daşıyan ilk ofroder GLS-Class modeli deyil, G-Class modeli olacaqdır. Mercedes-Maybach G 650 Landaulet adını almış aofroder S-Class sedanından alınmış arxa oturacaqlarla təchiz edilmişdir.
Mercedes-Maybach G 650 Landaulet modelinin arxa oturacaqları elektrik ötürməsi və “qaynar daşlar” effekti olan massaj funksiyası ilə təchiz edilmişdirlər. Arxa oturacaqların arasında klimatik qurğunun idarəetmə bloku, isitmə və soyutma funksiyası olan stəkanaltılar, həmçinin salonun ön və arxa hissələri arasında olan arakəsmənin və qatlanan tavanın idarə edilməsi düymələri yerləşdirilmişdir.
Bundan başqa, arxa sərnişinlər üçün, multimedia sisteminin arakəsməyə quraşdırılmış xüsusi displeyləri də quraşdırılmışdır.
“Lando” kuzovlu ofroder Mercedes-Benz G 500 4x4² modelinin bazasında yaradılmışdır.
Bu dəbdəbəli ofroderin portal körpülər və bütün differensialların qapanması ilə təchiz edildiyidən xəbər verir. Mercedes-Maybach G 650 Landaulet ofroderinin klirensi 450 millimetrə bərabərdir.
Avtomobilin təkər bazasının uzunluğu 3428 millimetrdir ki, bu da Mercedes-Benz G-Class modelinin standart variantında olduğundan 578 millimetr daha uzundur.
İlk Maybach ofroderi Mercedes-AMG bölməsinin məhsulu olan V12 mühərriki ilə hərəkətə gəlir. 6,0-litrlik mühərrik 630 at qüvvəsi və 1000 Nm fırlanma anı təklif edir. Mercedes-Maybach G 650 Landaulet modelinin ilk kütləvi təqdimat mərasimi mart ayında keçiriləcək 87-ci Beynəlxalq Cenevrə avtosalonunda baş tutacaqdır. Cəmi 99 ədəd dəbdəbəli ofroderin istehsal ediləcəyi bildirilmişdir. Mercedes-Maybach G 650 Landaulet ofroderinin istehsalı Magna Steyr şirkətinin Avstriyadakı müəssisəsində təşkil ediləcəkdir.
