Bəhreyndə yerləşən Ekanoo Racing atelyesi Toyota Land Cruiser 300 modelinii Yaxın Şərqdə keçirilən ənənəvi ofrouder yarışları üçün hazırlayır. Lakin dinamometrik stenddə aparılmış sınaqlar, 415 at qüvvəli V6 mühərrikinin bəyan edilmiş xüsusiyyətlərinin reallığa uyğun olmadığını ortaya çıxarıb.
Orta Şərqdə fəaliyyət göstərən tuner, ənənəvi off-road yarışları üçün 500 at qüvvəli Toyota Land Cruiser 300 modelini hazırlamaq qərarına gəlib. Donor kimi, mütəxəssislər bəyan edilmiş hasilatı 415 at qüvvəsi və 650 Nm fırlanma anı olan 3,5-litrlik V6 mühərriki ilə təchiz olunmuş seriya modelini götürüblər. Yapon istehsalçısı ofrouderin 100 km/saat həddinə 6,7 saniyəyə sürətləndiyini iddia edir.
Mühərrikin gücünü yoxlamaq üçün mühəndislər Land Cruiser 300 modelinin güc qurğusunu dinostenddə sınayıblar. Sınaq zamanı mütəxəssislər “təkərlərə” 370 at qüvvəsi və 534 Nm fırlanma anının gəlib çatdığını aşkar ediblər. Beləliklə, tam ötürmə sisteminin və differensialların olmasına baxmayaraq, transmissiya itkiləri 10% təşkil edir.
Bundan sonra mütəxəssislər benzinin tərkibinə yanacağın oktan ədədini artıran müəyyən bir qatqını əlavə edərək, aqreqatın gücünü yeddi at qüvvəsi artırmağa müvəffəq olublar. Tünerlər belə bir nəticənin bu sinifdən olan ofrouder üçün çox yaxşı nəticə olduğunu qeyd ediblər.
