Cari nəsil Mercedes-Benz E-Class modelinin cari nəslinin həyat dövrü sona çatmaq üzrədir: onun W214 kuzovlu varisinin sınaqlarını artıq keçən ildən müşahidə edirik. Mercedes-Fans tematik resursunun əldə etdiyi məlumata görə, istehsalçı modelin Final Edition adıə xüsusi versiyasını buraxmaq qərarına gəlib.
Xüsusi nəşr 612 at qüvvəli 4,0-litrlik V8 biturbo mühərriki ilə təchiz edilmiş Mercedes-AMG E 63 S modelinin əsasında yaradılacaqdır. Görünən odur ki, Mercedes-AMG E 63 S Final Edition V8 mühərriki olan E-Class modelini almaq istəyən marka pərəstişkarlarının son şansıdır, çünki modelin növbəti nəslinin mühərrik çeşidində belə aqreqat olamacaqdır.
C-Class və növbəti GLC kimi E-Class da toatal daunsayzinqə məruz qalacaqdır. Bununla belə, modelin 63 indeksini qoruyacağını və 653 at qüvvəli hibrid olacağı ehtimal edilir.
Mercedes-AMG E 63 S Final Edition kuzovun tutqun rənginə, eksteryer və interyerin karbondan detallarına, 20-düymlük təkər disklərinə, sükan çarxı və oturacaqlardakı sarı haşiyələrə malik olacaqdır. Dahja dəqiq məlumat yoxdur, çünki xüsusi versiyanın buraxılışı rəsmi olaraq təsdiqlənməyib.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
