Chery şirkəti böyük Tiggo 9 krossoverini təqdim edib. Flaqman krossoverinin onlayn təqdimatı Çində keçirilib, lakin avtomobil “canlı” olaraq jurnalistlərə göstərilməyib. Chery iyerarxiyasında krossover Tiggo 8 Pro Max modelindən yarım pillə yuxarıda yerləşəcəkdir. "Doqquzluğun" əsas xüsusiyyətləri - dəbli görünüş, orijinal beşoturacaqlı interyer, alternativi olmayan 2,0-litrlik Kunpeng turbomühərriki və bahalı tərtibat materiallarıdır.
Chery Tiggo 9 modeli Tiggo 8 Pro Max krossoverindən on santimetr uzun, təkər bazasının ölçüsünə görə isə on bir santimetr üstündür. Tiggo modelinin uzunluğu 4820 millimetr, eni – 1930 millimetr, hündürlüyü isə, 1699 millimetrdir. Təkər bazasının ölçüsü 2820 millimetrdir. Chery bayraqdarını ölçülərinə görə Kia Sorento modeli ilə müqayisə etmək olar.
Chery Tiggo 9 modelinin yalnız beş nəfərlik versiyasının buraxılacağı təsdiq edilib. Xatırladaq ki, “kiçik” Tiggo 7 və Tiggo 8 ailələrində üçüncü sıra quraşdırılır. Məlumat-əyləncə kompleksinin qoşa ekranı olan interyeri, oturacaqların qapı kartlarındakı oturacaqların idarəetmə pultları, transmissiyanın sükanaltı selektoru və mərkəzi tuneldəki taçpad Mersedes-Benz modellərini xatırladır. Analoq düymələrinin sayı minimumdur: hətta sükan çarxındakı düymələr də sensorludurlar.
Opsiyalar siyahısında panoram dam, proyeksiya ekranı, ziddiyyətli tikişi olan ikirəngli dəri ilə tərtibat, ağacdan örtmələr, kontur işıqlandırması, matrisa fənərləri, 20-düymlük təkər diskləri, yol nişanlarının tanınması funksiyası olan adaptiv kruiz-kontrol var. Lakin Chery flaqmanın avadanlıq siyahısında aktiv asqı və ikinci sıranın fərdi oturacaqları yoxdur.
Texniki cəhətdən Chery Tiggo 9 modeli Exeed Yaoguang krossoveri ilə unifikasiya edilib. Satışların başlanğıcında alıcılara 2,0-litrlik benzin turbomühərriki (254 at qüvvəsi, 390 Nm) və 7-pilləli "robotun" tandemi təklif ediləcəkdir. Ötürmə - ön və ya qoşulan tam ötürmə ola bilər.
Chery Tiggo 9 krossoverinin oflayn təqdimatı fevralın 27-də Çində keçiriləcəkdir. Ola bilsin ki, təqdimatda jurnalistlərə yeddi yerlik versiya nümayiş etdiriləcək və təchizat səviyyələri haqqında ətraflı məlumat veriləcəkdir. Tiggo 9 modeli may ayında Chery markasının Çindəki dilerlərinə çatdırılacaqdır. Krossoverin ixrac perspektivləri açılanmasa da, onun digər bazarlarda peyda olması zaman məsələsidir.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
