Porsche şirkəti səkkizinci nəsil 911 Carrera Coupe və 911 Carrera Cabriolet modelləri barədə məlumatı və onların satış qiymətlərini açıqlayıb. Kupe kuzovlu avtomobili Almaniyada 104.655, kabrioleti isə 118.935 avrodan başlayan qiymətlərlə əldə etmək olar. İlkin olaraq, yeni avtomobilləri yalnız arxa ötürmə ilə təklif edəcəkdirlər. Tam ötürməyə malik olan modifikasiya bir müddət sonra satışa çıxacaqdır,
Porsche 911 Carrera kupe və kabrioleti 385 at qüvvəsi və 450 Nm fırlanma anı hasil edən 3,0-litrlik altısilindrli oppozit biturbo mühərriki ilə təchiz edilir. Güc aqreqatı səkkizpilləli PDK «robotu» ilə tandemdə çalışır. Belə mühərriklə təchiz edilmiş kupe 100 km/saat həddini 4,2 saniyəyə toplayır və 293 km/saatlıq maksimal sürət həddinə malikdir. Opsional Sport Chrono dəsti bu müddəti 0,2 saniyə azaltmağa imkan verir.
Carrera modelləri 10,9-düymlük sensorlu ekranı olan multimedia sistemi, həmçinin yaş yollarda təhlükəsizliyi təmin edən Porsche Wet sistemi də daxil olmaqla elektron yardımçılar dəsti ilə təchiz edilir. Porsche 911 Carrera öndə 235/45 ZR19, arxada isə 295/35 ZR20 təkərləri ilə təchiz olunur. Müvafiq olaraq, disklər 19 və 20 düymlükdürlər. Əyləc mexanizmləri 300 mm-lik disklər və dördporşenli monobloklu qeydə alınan qara rəngli supportlardan ibarətdir.
