Dacia Duster yeni dizel mühərriklərini əldə edib

Dacia şirkəti Duster modelinin mühərrik çeşidindəki dizel güc aqreqatlarını yeniləyib. Avtomobil Blue dCi seriyasından olan yeni mühərriklərə sahib olub.

Ofrouderin 1,5-litrlik dörd silindrli mühərrikləri yenilənmədən sonra beş at qüvvəsi əlavə gücə sahib olublar. Belə ki, 90 dCi modifikasiyası yenilənmədən sonra 95 dCi, 110 dCi isə 115 dCi adlanır. Müvafiq olaraq, mühərriklər 95 və 115 at qüvvəsinə malik olublar.

Lakin, Dacia Duster krossoverinin mühərrik qammasındakı yeniliklər bununla bitmir. Mühərriklərin fırlanma anı da artırılıbdır. Birinci halda mühərrik əlavə 30 Nm əldə edərək 240 Nm fırlanma anına sahib olub. İkinci halda isə, mühərrikin fırlanma anı 260 Nm-ə qədər yüksəldilib.

Güc artımı Duster Blue dCi modelinin dinamik xarakteristikasına da təsir müsbət göstərib: ofroderin 100 km/saata sürətlənməsinə əvvəlkindən bir saniyəyə qədər az vaxt gərəkdir. Müvafiq olaraq, bu hədd 13,8 saniyədən 12,6 saniyəyə (95 dCi), və 11,8 saniyədən 10,5 saniyəyə (115 dCi) enib.

Eyni zamanda, dizel modifikasiyaların maksimal sürət həddi artıb: 167 (+ 9 km/saat) və 179 (+8 km/saat) km/saat. Yeni mühərriklərin zərərli tullantılar səviyyəsi də katalik neytralizatorda quraşdırılan selektiv katalitik bərpa (SCR) texnologiyası sayəsində aşağı salınıbdır.

ДРУГИЕ СТАТЬИ