Denza on il əvvəl Daimler və BYD tərəfindən yaradılıb, lakin tərəfdaşlar hələ də bu brendi populyarlaşdıra bilməyiblər. Alman tərəfi işlərdəki iştirakını tədricən azaldıb: hazırkı yeganə Denza X modelində yalnız interyerin bəzi elementləri Mercedes-Benz avtomobillərini xatırladır və keçən ilin sonunda Daimler AG (hələ adını Mercedes-Benz AG dəyişməzdən əvvəl) birgə müəssisədəki payını 50%-dən 10%-ə endirmək qərara gəlib. Lakin bütün bunlar ancaq yayda baş verəcəkdir, hələlik isə tərəfdaşlar brendin inkişafı proqramını həyata keçirirlər. Bu gün tərəfdaşlar yeni modelin tizerlərini dərc ediblər.
Denza X krossoverinə hələ də adı açıqlanmayan 5,2 metr uzunluğunda miniven qoşulacaqdır. Minivenin 2+2+3 formulu olan üç oturacaq cərgəsi və zəngin avadanlıq ilə təchiz ediləcəyi bildirilib. Denza miniveni hibrid və tamamilə elektrik versiyalarında təklif ediləcəkdir. Hibrid miniven BYD şirkətinin DM-i ardıcıl hibrid güc qurğusu ilə təchiz olunacaqdır. Təxmini başlanğıc qiyməti 70.000 dollardır. Beləliklə, Denza miniveni Voyah Dreamer və Toyota Alphard modelləri ilə rəqabət aparacaqdır. Minivenin təqdimatıı yaxın aylarda baş tutmalıdır.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
