Rivian şirkəti rəsmi videoçarxı dərc edərək R1T pikapında quraşdırılmış Tank Turn («tank dönüşü») sisteminin işini nümayiş etdirib. Elektromobil tank kimi yerində dönür, lakin bunun üçün təkərlərin altında yalnız çınqıllı və ya torpaq səthin olması vacibdir.
Bir müddət bundan öncə, Rivian şirkəti Tank Turn və Tank Steer («tank dönüşü» və «tank idarəetməsi») sistemlərini qeydə alıb. Bu sistemlər elektrik pikapına yerində dönməyə yardım edir. Məlumdur ki, Rivian buraxdığı modellərin bir-birindən qidalanmasını təmin edən sistemi də təklif edir.
Rivian R1T pikapı 2018-ci ildə Los Ancelesdə keçirilmiş avtosalonda debüt edib. Pikap ümumi hasilatı 760 at qüvvəsi və 1120 Nm olan dörd elektromotor ilə hərəkətə gəlir. İlk «yüzlüyü» pikap üç saniyəyə toplayır.
Bənzər sistemlər şirkətin digər avtomobillərində də quraşdırılır. Hazırda Rivian şirkəti R1T pikapı ilə yanaşı R1S krossoverini də təklif edir. Bundan başqa, startap yeni hündür klirensi olan hetçbek də hazırlayır.
