Nissan X-Trail krossoverinin T33 indeksli dördüncü nəsli 2020-ci ildə debüt edib və tədricən Çin və Avropa da daxil olmaqla əksər vacib bazarlarda satışa çıxıb. Bu avtomobil Avstraliyada da satılır və burada onun yeni N-Trek versiyası debüt edib. Yeni versiya açıq havada vaxt keçirməyə üstünlük verən şəxslərə ünvanlanıb. Əvvəllər oxşar variant Yaponiyada da var idi, lakin Avstraliyada satılacaq versiyanın özünəməxsus xüsusiyyətləri var.
![](https://autograph.az/../images/141747_src.jpg)
Janrın qanunlarına əsasən, Nissan X-Trail N-Trek xrom dekorun əksər hissəsindən məhrum edilib, ön bamper isə, yeni aşağı örtüyü alıb. Duman əleyhinə işıqlar iri korpusların dərinliklərində quraşdırılıb, radiator barmaqlığı və V-formalı çərçivə parlaq qara rənglə örtülüb.
Yüksək profilli şinlər taxılmış orijinal 18-düymlük disklər quraşdırılıb. Beş kuzov rəngini və qara damı seçmək imkanı da mövcuddur. N-Trek versiyasının interyerinin əsas xüsusiyyəti yüksəldilmiş dözümlülüyə malik olan xüsusi suyadavamlı eko-dəridən hazırlanmış üzlükdür. Paketə rezin ayaqaltılar da daxildir.
![](https://autograph.az/../images/141748_src.jpg)
Bununla belə, yolsuzluq anturajına baxmayaraq, Avstraliya Nissan X-Trail N-Trek tamamilə standart şassiyə malikdir. Üstəlik, bu krossoveri həm tam ötürmə, həm də əsas ön ötürmə ilə almaq olar! Güc aqreqatı da standartdır.
Avstraliya X-Trail modelinin üçsilindrli turbomühərrikə keçmədiyi yeganə bazardır. Burada əvvəlki kimi, 2,5-litrlik dördsilindrli atmosfer mühərrikinin (184 at qüvvəsi, 244 Nm) və variatorun tandemi təklif olunur.
Maraqlıdır ki, Avstraliyada X-Trail modelinin ofroud versiyaları üçün N-Trek adından istifadə edilməsi ilk dəfə deyil. Əvvəlki nəsil krossoverin belə modifikasiyası var idi: o 2019-cu ildə peyda olub, lakin cəmi 500 nüsxədə istehsal edilib. Nissan X-Trail N-Trek versiyasının qiyməti 47 min Avstraliya dollarından (31 min ABŞ dolları) başlayır.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.