Kemptendə yerləşən məşhur ABT Sportsline GmbH şirkəti Volkswagen Passat modelinin yeni nəsli üçün hazırladığı tünunq proqramını təqdim edib. Alman tüner adətən avtomobili texniki cəhətdən təkmilləşdirməyə üstünlük verir. Lakin, atelye mütəxəssiləri avtomobilin zahiri görkəminin güc aqreqatlarının artmış imkanlarına uyğun tərtib edilməsini də yaddan çıxartmamışdır. ABT mütəxəssisləri Volkswagen Passat Variant modelinin baza variantının təchiz edildiyi 150 at qüvvəsi gücü və 250 Nm fırlanma anı olan 1,4-litrlik dördsilindirli turbomühərrikin gücünü 180 at qüvvəsinə, fırlanma anının isə 290 Nm-ə artırılmasını təklif edirlər.
Avtomobilin 180 at qüvvəsi və 250 Nm fırlanma anı olan 1,8-litrlik TSİ mühərrikinin yeni göstəriciləri 210 at qüvvəsi və 310 Nm təşkil edir. Avtomobilin top-variantının təchiz edildiyi 280 at qüvvəli (290 Nm) 2,0-litrlik turbomühərrikinin gücünü 336 at qüvvəsinə (420 Nm) qədər artırmağı təklif edilir. Həmin mühərrikin 220 at qüvvəli variantının gücü isə 290 at qüvvəsi təşkil edir.
Passat modelinin 2,0-litrlik dizel aqreqatları təchiz edilmiş variantları üçün də geniş tüninq proqramı nəsərdə tutulmuşdur. Dizel güc aqreqatının 150 at qüvvəli (340 Nm) variantının gücünü 170 at qüvvəsinə (380 Nm), 190 at qüvvəli (400 Nm) variantının gücü isə 215 at qüvvəsinə (440 Nm) qədər artırıla bilər.
Bu mühərrikin 240 at qüvvəsi və 500 Nm fırlanma anı olan top-variantının göstəriciləri 270 at qüvvəsinə və 540 Nm-ə qədər artırmaq mümkündür.
Əlbəttə ki, bütün bu dəyişikliklər avtomobilin eksteryerinin daha aqressiv görkəm alması ilə müşayət edilir. ABT mütəxəssisləri avtomobili aqressiv dizayna malik olan ön və arxa bamperlə, yan kandarlarla, radiator barmaqlığı, arxa spoyler və güzgülərin xüsusi hazırlanmış korpusu ilə təchiz edirlər.
Aerodinamik kuzov dəstinin tərkibinə geniş çeşiddə olan 18 - 20-düymlük təkər diskləri də daxil edilmişdir.
Lakin, tüninq proqramının ulduzunu 21-düymlük ABT DR disklərini hesab etmək olar.
