On bir illik istehsal müddəti ərzində Audi A7 modeli yalnız Sportback indeksi olan beşqapılı liftbek kimi təklif edilib. Bu gün isə, maraqlı bir versiya işıq üzü görüb. Doğrudur, yeni versiya yalnız Çin bazarında təklif ediləcəkdir və bu sedan kuzovlu Audi A7L modeli olacaqdır. Üstəlik, dizaynerlər modelə fastbək görünüşü verməyə çalışmayıblar və ayrıca baqaj bölümünü vurğulamağa üstünlük veriblər.
Sedan liftbekdən 100 millimetr (3026 millimetrm) uzadılmış təkər bazası və uzunluğundakı eyni artım ilə fərqlənir - nəticədə A7 modelinin bamperdən bamperə qədər uzunluğu 5076 millimetrə bərabər olub.
Avtomobilin damı da bir qədər qaldırılıb: indi modelin hündürlüyü 1429 millimetrdir (+7 millimetr). Yəni faktiki olaraq Audi A7L modeli A6L sedanından yalnız "idman" profili və çərçivəsiz qapıları ilə fərqlənir.
Texnologiya və avadanlıq baxımından sedan orijinal liftbeki təkrarlayır. Sedanın avadanlıq siyasına tam idarə olunan şassi, pnevmoasqı, lazer-fosforlu uzaq işıqları olan matrisa fənərləri və bir sıra digər opsiyalar daxildir. Ön tərəfdə üç displeyi olan interyer də liftbeklə unifikasiya edilib
Audi A7L sedanı yalnız 55 TFSI quattro modifikasiyasında təklif edilir. Bu, avtomobilin 340 at qüvvəsi və 500 Nm fırlanma anı hasil edən 3.0-litrlik benzin turbomühərriki, 48 voltluq startyor-generator, yeddi pilləli S tronic "robotu" və quattro tam ötürməsi ilə təchiz edildiyi anlamına gəlir.
Sonradan Audi A7L sedanının daha sadə versiyalarının buraxılacağı da gözlənilir, çünki belə modifikasiyalar olmadan Çin bazarında uğur qazanmaq mümkün deyil.
Audi A7L modeli, Şanxaydakı SAIC-Audi birgə müəssisəsi tərəfindən istehsal ediləcəkdir. Eyni zamanda, Almaniyadan idxal olunan Sportback versiyası da Çin bazarında təklif ediləcəkdir.
Çində liftbek 88 min dollardan başlayan qiymətlə satılır. Yerli sedan daha ucuz olmalıdır.
