Audi şirkəti Avropada satılan "qaynar" S6 və S7 modellərin arxa hissəsinin dizaynını dəyişdirib. Konfiquratordan belə nəticəyə gəlmək olar ki, buraxılış sisteminin yuvarlaq saxta çıxış boruları diffuzoru təqlid edən hissələri olan "hamar" örtmələr ilə əvəz ediliblər. Audi S6 və S7 modellərinin buraxılış sistemi dəyişməyib: borular bamperin arxasında, aşağı hissədə yerləşirlər. Ancaq saxta borulardan imtina etdikdən sonra, S-modelləri elektromobillərə bənzəməyə başlayıblar.
Audi iyulun ortalarında saxta borulardan imtina istiqamətini götürüb: o zaman istehsalçının nümayəndəsi müştərilərin buraxılış sistemlərinin belə dizaynını bəyənmədiyini söyləmişdi. Səsboğucuya qoşulmayan saxta borular həqiqətən keçmişdə qalıb, lakin, eyni zamanda, “qaynar” S6 və S7 modelləri mühüm atributdan məhrum olublar.
Maraqlıdır ki, təkmilləşdirmə yalnız 3,0-litrlik V6 TDI turbomühərriki (349 at qüvvəsi, 700 Nm) olan dizel versiyalarında baş verib, okeanın o tayında satılan 2,9-litrlik V6 turbomühərriki (450 at qüvvəsi, 600 Nm) ilə təchiz edilən benzin versiyalarında isə, dairəvi çıxış borularının təqlidi yerində qalır.
Ola bilsin ki, Audi istefadan əvvəl dizel versiyalarının arxa hissəsinin tərtibatını dəyişib: 2025-ci ildə “ağır” yanacaqla işləyən güclü mühərriklər daha sərt ekoloji standartlara görə, yəqin ki, çeşiddən çıxarılacaqlar.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
