Kupeşəkilli Audi Q8 krossoveri sentyabrın 5-də debüt edir, bununla belə, onun haqqında olan məlumat çox azdır. Audi şirkətindən bildirildiyinə görə, restaylinq modelə daha çox fərdiləşdirilmiş opsiyalar bəxş etməlidir. Bundan başqa, yenilənmiş kupe-kross yeni ön və arxa fənərləri alacaq. Çox güman ki, söhbət Q6 e-tron modelindəki kimi matrisalı ön fənərlərindən və OLED bloklardan ibarət olan arxa işıqlardan gedir.
Yenilənmiş Audi Q8 krossoverinin dizaynı bir qədər dəyişəcək və model daha çox fərdiləşdirilmiş opsiyalara və təkmilləşdirilmiş funksionalıqlı yeni işıqlandırma texnologiyasına sahib olacaqdır. Sonuncu halda, söhbət Q6 e-tron kimi yeni nəsil matrisalı ön optika və üzvi LED-ləırdən hazırlanmış arxa işıqlardan gedir. Onların “naxışı” bort sisteminə quraşdırılmış bir neçə variant arasından seçilə bilər, üstəlik, OLED işıqlar üçbucaq formalı qəza işıqları kimi sadə piktoqramları da göstərə bilir.
Matrisa optikası 70 LED-dən və parlaqlığı fərdi olaraq idarə olunan 12 yanıb-sönən seqmentdən ibarətdir. OLED 2.0 fənərləri daha mürəkkəbdir, belə ki, hər bir orqanik paneldəki seqmentlərin sayı 6-dan 60-a qədər artırılıb. Buna görə də, indi onların ümumi sayı 360-a bərabərdir. Bütün bunlar digər hərəkət iştirakçıları ilə ibtidai əlaqəni qurmağa imkan verir: məsələn, fənərlər onları qəfil əyləcləmə və ya qapıların açılması barədə xəbərdar edir - bununla belə, belə yeniliklərə alışmaq lazım olacaq.
Audi şirkəti yenilənmiş Q8 modelinin mühərrik çeşidini hələlik açıqlanmayıb. Hazırda Audi Q8 modelinin mühərrik çeşidində 3,0-litrlik V6 və 4,0-litrlik V8 benzin mühərrikləri, eyni həcmli dizellər, habelə V6 benzin mühərrikinə əsaslanan plagin hibrid güc qurğusu mövcuddur. Bütün avtomobillər ZF şirkətinin səkkiz pilləli “avtomatı” və quattro tam ötürmə sistemi ilə təchiz edilirlər. Modelin ən güclü versiyası olan Audi RS Q8 krossoveri 600 at qüvvəsi və 800 Nm fırlanma anına malikdir və 100 km/saata 3,8 saniyəyə sürətlənir.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
