Qarşıdakı mövsüm Formula1 tarixində ən uzun olacaq – çempionatın təqvimində 21 Qran Pri yeri alıb. Bu gün çempionatın rəsmi saytında 2016-cı ildə keçirilən yarışların start vaxtı dərc olunub. Bu barədə məlumatı, Azərbaycanda yeganə və peşəkar Formula 1 haqqında internet nəşri olan F-1.az (Formula 1 Azərbaycanda) saytı yaymışdır.
F-1.az bildirir ki, Bakıda baş tutacaq debüt Avropa Qran Prisinin startı yerli vaxtla 18:00-a təsadüf edəcək. Yarışın belə gec başlamasının səbəbi həmin günü Fransada keçirilən Le Man marafonunun finişidir – 24 saatlıq yarış bizim vaxtla saat 17:00-da başa çatmalıdır. İyun ayında ölkəmizdə günəşin saat 21:1-dən sonra batmasını nəzərə alsaq, yarışın belə gec başlaması problem olmamalıdır.
Xatırladaq ki, mövsümün ilk yarışı Avstraliyada baş tutacaq – Melburnda Albert Parkda keçirilən yarış bizim vaxtla saat 09:00-da start alacaq. Aşağıdakı cədvəldə digər yarışların Bakı vaxtılə başlanma saatı göstərilib…
