Kia şirkəti EV3 seriya modelinin mayın 23-nə planlaşdırılan qlobal premyerasından əvvəl, yenilik barədə təfərrüatları paylaşaraq bir neçə yeni tizeri dərc edib. İlkin məlumatlara görə, elektrik güc aqreqatına malik olan yığcam krossover təxminən 30 min dollara başa gələcək.
![](https://autograph.az/../images/143135_src.jpg)
Eyni adlı konsept 2023-cü ilin noyabrında Los Ancelesdə nümayiş etdirilib. O zaman, EV3 krossoverinin “əkslərin birliyi” kimi tərcümə olunan Opposites United dizayn fəlsəfəsinə uyğun olaraq hazırlandığı və Kia şirkətinin elektrik arxitekturasının imkanlarını və ekoloji cəhətdən təmiz materialların, o cümlədən bioplastiklərin geniş istifadəni nümayiş etdirdiyi bildirilmişdi. Seriya versiyası eyni konsepsiyaya malikdir: eksteryer dizaynı keçən ilki şou avtomobili ilə demək olar ki, eynidir.
![](https://autograph.az/../images/143136_src.jpg)
Amma hələ də nümayiş olunmayan interyer çox güman ki, sadələşdiriləcək və seriya avtomobilinə uyğunlaşdırılacaq. Bununla yanaşı, Kia çətin ki, tərtibatda ekoloji cəhətdən təmiz materiallardan istifadədən imtina etsin.
![](https://autograph.az/../images/143137_src.jpg)
EV3 modeli, digər Kia və Hyundai elektromobillərinin əsaslandığı E-GMP platformasında inşa olunub. Bununla belə, top modellər 800 voltluq arxitekturaya malik olsalar da, daha əlçatan EV3 krossoverinin arxitekturası 400 voltluqdur. Krossover müxtəlif tutumlu iki batareya təklif olunacaq - 58 və 77,4 kilovat-saat. Güman etmək olar ki, 77,4 kilovatlıq batareya ilə EV3 təxminən 500 kilometr məsafə qət edə biləcək - oxşar batareya malik olan Ioniq 5 modelinin göstərici eyni səviyyədədir.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.