Çində Global Edition indeksini əldə edən yenilənmiş Exeed RX krossoverinin təqdimatı keçirilib. Əsas yenilik plagin hibrid versiyalarının genişləndirilmiş çeşididir: artıq belə versiyaların sayı üçə (əvvəl bir variant mövcud idi) qədər artırılıb.
Yenilənmiş model ilə əvvəlki hibrid krossoverin eksteryer dizaynı arasındakı fərq minimaldır, çünki bağlı ön panel (radiator barmaqlığı olmayan) hələ keçən il peyda olub. İndi isə, yalnız dekora və təkər disklərinin dizaynına yenidən baxılıb: versiyadan asılı olaraq 19 və ya 20 düymlük disklər təklif olunurlar.
Yenilənmə salonun tərtibat variantlarının artması ilə nəticələnib - açıq qəhvəyi və ya boz tərtibat sxemləri peyda olublar. Qalan halda, salon dəyişməz qalır. Ön paneldə iki ekrandan (hər biri 12,3 düym) ibarət olan yeganə klaster var.
Məlumat-əyləncə sistemi Qualcomm Snapdragon 8155 prosessoruna əsaslanır, həmçinin Apple CarPlay və Huawei HiCar protokollarını dəstəkləyir. Mərkəzi konsol fırlanan fiziki dəstəklərlə bəzədilib, onların altında simsiz şarj meydançası və fincan tutacaqları var.
Avtomobilin ölçüləri dəyişməz qalıb: krossoverin uzunluğu 4781, eni - 1920, hündürlüyü isə, 1671 millimetr təşkil edir. Təkər bazasının ölçüsü 2815 millimetrdir
Exeed RX C-DM hibridinin yeni baza versiyası 1,5-litrlik turbomühərriki (156 at qüvvəsi, 220 Nm) ön təkərlərə birləşdirən birpilləli DHT transmissiyası ilə təchiz edilib, baxmayaraq ki, daha bahalı versiyalarda əvvəlki üç pilləli ötürmələr qutusu saxlanılıb.
Ön oxdakı yeganə elektrik mühərriki 204 at qüvvəsi və 310 Nm hasil edir. Şirkət hibrid sistemin ümumi hasilatının 360 at qüvvəsi və 530 Nm olduğunu iddia edir. 19,5 kilovat/saatlıq litium-dəmir fosfat batareyası sirf elektrik dartması ilə 120 kilometrlik gedişi təmin edir.
Yenilənmiş Exeed RX
Ümumi gediş məsafəsi isə, 1400 kilometr təşkil edir. Cəmi 1924 kiloqram çəkisi olan bu krossover 0-dan 100 mil/saata 7,9 saniyəyə sürətlənir.
Əvvəlki yeganə versiya indi hibrid çeşidin ortasında yerləşir. O, eyni 1,5-litrlik turbomühərrikə, lakin üç pilləli DHT transmissiyasına, habelə 224 at qüvvəsi və 390 Nm hasil edən ön elektrik mühərrikinə malikdir. Sistemin ümumi hasilatı 381 at qüvvəsi və 610 Nm təşkil edir. 100 km/saata sürətlənmə 8,4 saniyə çəkir.
Exeed RX modelinin sırf benzin versiyası
NMC dartma batareyasının tutumu 34,5 kilovat/saat, sırf elektrik dartması ilə gediş məsafəsi isə, 210 kilometrdir. Yeni ən yüksək səviyyəli versiya eyni texnikaya malikdir, lakin eyni zamanda arxa oxda yerləşən elektrik mühərriki (238 at qüvvəsi, 310 Nm) ilə təchiz edilib – yəni, tam ötürməlidir.
Sistemin ümumi hasilatı 619 at qüvvəsi və 920 Nm təşkil edir! 100 km/saata sürətlənmə 4,3 saniyə çəkir, maksimal sürət isə, 200 km/saatdır (digər versiyalarda 180 km/saat).
Çin çeşidində 2,0-litrlik “turbodördlük” (261 at qüvvəli) və yeddi pilləli avtomatik transmissiya ilə təchiz edilmiş Exeed RX versiyası da var. Keçən il belə avtomobillər yenidən işlənmiş radiator barmaqlığını alıblar.
Maraqlıdır ki, RX krossoverinin benzin versiyası xeyli ucuzlaşıb: onun satış qiyməti 162 000 yuandan (23 000 dollar) 140 000 yuana (20 000 dollar) düşüb. Təkmilləşdirilmiş hibridlərin də cəlbedici qiymətləri var: 140.000 - 190.000 yuan (20.000-27.000 ABŞ dolları) arasında.Sonradan Global Edition indeksi olan krossoverlər digər bazarlara da ixrac oluna bilərlər.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
