Kia şirkəti Los Anceles avtosalonunda təkcə elektromobilləri deyil, həm də restaylinqdən keçmiş Sportage krossoverini təqdim edib. Yenilənmiş krossover noyabrın əvvəlində vətəni Cənubi Koreyada təqdim olunub, lakin Amerikada satılan avtomobillər Kia şirkətinin Corciya ştatındakı zavodda istehsal olunurlar və onların özünəməxsus xüsusiyyətləri var.
Eksteryer və interyerdəki dəyişikliklər Koreya istehsalı olan avtomobillərlə eynidir, fərqlər dekorasiya və təchizatın nüanslarındadır. Amerikan çeşidinə, əvvəlki kimi, X-Line (19-düymlük disklər ilə) və X-Pro (BF Goodrich şinləri taxılmış 17-düymlük disklər ilə) “ofroud” versiyaları daxildir. Maraqlıdır ki, benzin krossoverləri transmissiyanın ənənəvi selektorunu saxlayıblar, baxmayaraq ki, digər bazarlarda ondan fırlanan şaybanın lehinə imtina olunub (onu ABŞ-da hibridlərə də quraşdırırlar).
Amerikadakı mühərrik çeşidi də dəyişməyib. Baza krossoveri səkkiz pilləli avtomatik transmissiyaya ilə tandemdə çalışan 190 at qüvvəli 2,5-litrlik atmosfer benzin mühərrikinə malikdir. 1,6 T-GDI “turbodördıüyünə” və altı pilləli avtomatik transmissiyaya malik olan hibridlər yeni elektrik mühərriklərini alıb və bir qədər güclü olublar: Sportage HEV indi 234 at qüvvəsinə (+ 4 at qüvvəsi) malikdir, təkrar doldurulan Sportage PHEV isə, artıq 272 at qüvvəsi (+ 7 at qüvvəsi) təklif edir. Tam ötürmə PHEV versiyası üçün standart avadanlıq, zəif variantlar üçün isə, seçimdir.
Yenilənmiş krossoverlər 2025-ci ilin ikinci rübündə ABŞ dilerlərinə çatdırılacaqlar. Qiymətlər o zaman açıqlanacaqlar. Hazırda restaylinqən əvvəlki krossoverlərin qiyməti 28 565 dollardan başlayır.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
