Müəllif AvtoVAZ şirkəti 5 aprel tarixində 40 illik yubileyini qeyd edən Lada 4x4 modelinin yubiley variantını buraxmağı planlaşdırır. Bu barədə məlumat istehsalçının rəsmi saytında dərc edilmişdir.
Bununla belə, Tolyattidə yerləşən şirkət Lada 4x4 modelinin “yubiley” modifikasiyası haqqında heç bir məlumat təqdim etməmişdir. Xüsusi seriyadan olan avtomobillərin istehsal tirajı haqqında və rəsmi təqdimat tarixi barədə də məlumat verilməmişdir. Bildiyimiz kimi, əvvəllər VAZ 2121 Niva adlanan ofroderin istehsalına 5 aprel 1977-ci ildə başlanmışdı.
Aparıcı kuzovla təchiz edilmiş ilk ofroder olan Lada 4x4 modelinin aparıcı konstruktoru Pyotr Prusov mart ayının sonunda 76 yaşında vəfat etmişdir. Hal-hazırda Lada 4x4 modeli üç və beş qapılı kuzovla, həmçinin “şəhər” modifikasiyası olan Urban variantında istehsal edilir. Modifikasiyasından asılı olmayaraq avtomobil 83 at qüvvəli 1,7-litrlik benzin mühərriki ilə təchiz edilir.
