Eyni zamanda, Bavariya istehsalçıs; müxtəlif ölkələrdə satışların başlaması qrafikini də açıqlayıb. Belə ki, yenilik ilk növbədə Almaniya və ABŞ-dakı dilerlərdə peyda olacaq. Dilerlərin ilk avtomobilləri yaxın günlərdə alacağı gözlənilir: universal əvvəlcə daxili bazarda satışa çıxarılacaq və təxminən bir həftədən sonra Amerika bazarında satış debütü edəcək.
Gözlənildiyi kimi, dizayn nöqteyi-nəzərindən heç bir sürpriz olmayacaq - universal yazda təqdim olunan beşinci seriya sedanı ilə eyni üslubda dizayna malik olacaq. Güc aqreqatları çeşidi də sedanla eyni olacaq.
Bundan əlavə, universal i5 Touring elektrik variantını da alacaq - bu, modelin tarixində ilk dəfə baş verəcək. Bununla belə, batareyalı versiyaların yalnız bəzi bazarlarda satışa çıxarılacağı gözlənilir. Onun üçün əsas bazarlar Avropa, Yaponiya və Tayvan olacaq.
Elektrik sedanın xarici görünüşü də heç kim üçün sirr deyil: onun şəkilləri hələ 2023-cü il may ayının ortalarında internetə sızıb. Avtomobil, haşiyəsi işıqlandırılan "burun dəlikləri" və kuzovda "gizlənmiş" qapı tutacaqları ilə seçilən i7 sedanı ilə müqayisədə daha təmkinli dizayna malikdir.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
