BYD e2 kompakt elektrik hetçbeki dörd il əvvəl debüt edib, lakin bu müddət ərzində populyarlıq qazana bilməyib. Ən yaxşı nəticə 2021-ci ildə əldə olunub - 34 min avtomobil satılıb. Bundan sonra daha maraqlı BYD Dolphin hetçbeki bazara çıxıb və populyarlığı necə əldə etməyin yolunu göstərib: bu model hər ay 23-25 min nüsxədə satılır. Keçən ilin ortalarında e2 modelinin istehsalı hətta dayandırılıb da, lakin görünən odur ki, müvəqqəti olaraq. İndi BYD e2 yenidən bazara daxil olur - artıq yenilənmiş versiyada.
Hetçbek formal olaraq Dolphin hetçbekini və Seal sedanını özündə birləşdirən "dəniz seriyasına" daxildir. Buna görə də onun görünüşü qardaşlarının üslubunda yenidən dizayn edilib. Yeni ön hava yönləndiricisi tam ölçülü radiator barmaqlığına malik deyil. 16-düymlük təkər disklərinin dizaynı dəyişdirilib, işıq texnikası yenidən işlənib, LED fənərlər isə yalnız bahalı versiyaların imtiyazıdır, standart olaraq isə halogenlər quraşdırılır. Hetçbekin uzunluğu 20 millimetr artaraq 4260 millimetrə çatıb.
İnteryerdə daha ciddi dəyişikliklər baş verib: hetçbek həm də xarakterik əyriləri və dalğaları olan "dəniz" modelləri üslubunda tərtib edilib. Cihazlar panelinin ekranı (8,8 düym) artıq günəşsizlikdir, yeni DiLink media sistemi isə, konfiqurasiyadan asılı olaraq 10,1 və ya 12,8 düymlük displeyə malikdir. Planşetin 90 dərəcəyə dönmə qabiliyyəti qorunub saxlanılıb ki, bu da "albom" və "portret" formatı arasında seçim etməyə imkan verir.
Əsas texniki yenilik - istilik nasosu olan termotənzimləmə sistemi ilə təchiz edilmiş Blade litium-dəmir-fosfat dartma batareyasıdır. Əvvəllər BYD e2 iki tutum variantını təklif edirdisə, indi yalnız 43,2 kilovat/saatlıq batareya təklif olunur. Hetçbekin pasport üzrə yürüş ehtiyatı Çin CLTC dövrünə əsasən 405 kilometrdir.
Artıq dartma elektrik mühərrikinin seçimi də yoxdur: yalnız 95 at qüvvəsi və 180 Nm hasil edən aqreqat mövcuddur. O, ön oxda quraşdırılır, arxa asqı isə yarı müstəqildir. Maksimal sürət cəmi 130 km/saatdır. BYD həmçinin 50 km/saata sürətlənmə vaxtını da dərc edib: 4,9 saniyə.
Çində yenilənmiş BYD e2 modelinə sifarişlər artıq qəbul edilir. Hetçbekin qiyməti 15-16 min dollar arasındadır. BYD Dolphin daha yığcam olsa da (uzunluğu 4125 millimetr) daha prestijli model sayılır və onun üçün ən azı 17 min dollar istəyirlər. Tezliklə model çeşdində ən kiçik hetçbek - BYD Seagull (“Qağayı”) peyda olmalıdır. Yığcam modelin qiyməti 12-15 min dollar arasında olacaqdır.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
