Polşada fəaliyyət göstərən Carlex Design atelyesi Mercedes-AMG G 63 modelinin xüsusi versiyasını təqdim edib. Racing Green Edition adlandırılan model yeni kuzov rənginə, karbondan dama, qara təkər disklərinə və yenidən tərtib edilmiş interyerə sahibdir.
Mercedes-AMG G 63 ofrouderinin kuzovunu dolğun zümrüd rəngə boyanıb, kandarların üst hissəsinə seçilən qızıl zolaqlar yapışdırılıb, 22-düymlük qrafit rəngli təkər diskləri və qızıl rəngli əyləc supportları quraşdırılıb.
Damın yuxarı hissəsi, həmçinin ehtiyat təkəri olan bölmənin örtüyü karbon lifdən hazırlanır. Radiator barmaqlığındakı, disklərindəki və arxa örtükdəki Mercedes-Benz emblemi atelyenin loqotipi ilə əvəz edilib.
Ofrouderin salonu da tamamilə yenidən tərtib edilib: bütün oturacaqlar yeniləri ilə əvəz edilmiş, seçilən qara tikişləri olan dəlikli orijinal qəhvəyi dəri ilə üzlənmişdir. Karbon liflindən işləmələrlə tamamlanan yumşaq dəridən ön panelin, qapı kartlarının, mərkəzi konsolun və sükan çarxının örtülməsində də istifadə olunur. Tavan və pəncərə sütunlarının üzlükləri tünd yaşıl rəngli alkantaradır.
Texniki cəhətdən heç bir dəyişiklik olmayıb. Mercedes-AMG G 63 Racing Green Edition modeli 585 at qüvvəsi və 850 Nm fırlanma anı hasil etdirən 4,0-litrlik V8 biturbo mühərriki ilə təchiz edilir. Doqquz pilləli avtomatik transmissiya ilə birlikdə çalışan ofrouder 100 km/saat həddinə sürətlənməyə 4,5 saniyə sərf edir. Ofrouderin maksimal sürət həddi 220 km/saatdır.
Carlex Design atelyesi görülən işlərin dəyərini 95.000 avro məbləğində qiymətləndirib.
