Müəllif Porsche şirkəti rəsmi olaraq Panamera modelinin yeni modifikasiyası olan Turbo S E -Hybrid variantını təqdim etmişdir. Akkumulyatorları elektrik şəbəkəsindən qidalanan hibrid avtomobili, ümumi gücü 500 kVt olan güc qurğusunu əldə etmişdir.
Porsche Panamera Turbo S E-Hybrid modeli 4,0-litrlik iki turbokompressorlu V8 mühərriki və elektromotor ilə təchiz edilir ki, bu tandem də 680 at qüvvəsi və 850 Nm fırlanma anı təklif edir. Beləliklə, yeni model, hazırda alman istehsalçısının model xəttində olan ən güclü avtomobildir. Hibrid avtomobil güc sarıdan 918 Spyder modelinə uduzsa da, sonuncunun istehsalına xitam verilməsi onu ilk sıraya yüksəltmişdir. Hibrid güc aqreqatı səkkiz pilləli PDK robotlaşdırılmış ötürmələr qutusu ilə birgə çalışır. Porsche Panamera Turbo S E-Hybrid modeli 100 km/saat həddini 3,4 saniyəyə toplayır və 310 km/saat maksimal sürətə malikdir. Bununla belə, avtomobil 100 kilometrə 2,9 litr yanacaq sərf edir.
Elektrik ötürməsindən istifadə etməklə hetçbek 50 kilometr məsafə qət etmək iqtidarındadır.
Panamera Turbo S E-Hybrid modelinint əchizatına maye ilə soyudulan və 14,1 kVt/saat tutumu olan litium-ion batareyalar dəsti daxildir. Batareyaları elektrik şəbəkəsindən altı saata doldurmaq mümkündür. Xüsusi qurğudan istifadə etməklə batareyaları 2,4 saata doldurmaq da olar. Yeni model üçün Porsche Communication Managment (PCM) və sürücüyə batareyaların doldurulması prosesinə məsafədən nəzarət etməyə imkan verən Porsche app. sistemləri daxildir. Hibrid model həm standart, həm də uzun bazalı Porsche Panamera Turbo S E-Hybrid Executive variantında təklif ediləcəkdir.
Modelin standart təchizatına 21-düymlük 911 Turbo diskləri, saxsı-karbon əyləc mexanizmləri (PCCB), Porsche Dynamic Chassis Control Sport (PDCC Sport) aktiv asma sistemi, Porsche Torque Vectorinq Plus (PTV Plus) dartma vectoruna nəzarət sistemi, Power Steering Plus sükan sistemi, Sport Chrono dəsti, 3 kameralı Porsche Active Suspension Management (PASM) pnevmatik asması, aktiv aerodinamik elementlər daxil edilmişdir.
Uzun bazalı Executive modifikasiyası əlavə olaraq arxa oturacaqların elektriklə tənzimlənməsinə və 4-zonali avtomatik havalandırma sisteminə sahib olacaqdır. Kütləvi təqdimatı Cenevrədə keçiriləcək yeni hibrid Avropa bazarında cari ilin yayında satılmağa başlayacaqdır. Avropada Porsche Panamera Turbo S E-Hybrid modelinin qiymətləri 162800 avrodan (296650 manat) başlayacaqdır.
