Müəllif Danimarkadan olan Zenvo şirkəti ənənəvi olaraq Cenevrə avtosalonuna yeni superkarla qatılıb. Bu Zenvo TSR yarış avtomobilinin ümumi yollar üçün olan TSR-S variantıdır. TSR slik təkərlər, təhlükəsizlik karkası və yarış oturacaqları ilə təchiz olunur.
Superkar alüminium və poladdan hazırlanan və polad rama altıları bərkidilən monokokun ətrafında inşa edilib. Zenvo TSR-S modelinin bütün kuzov panelləri karbondan hazırlanıb. Hiperkar 1193 at qüvvəsi hasil edən 5,8-litrlik V8 mühərriki ilə hərəkətə gəlir. Güc aqreqatı yeddi pilləli robotlaşdırılmış transmissiya ilə tandemdə çalışır. 1495 kiloqramlıq çəkiyə malik olan avtomobil 100 km/saat həddini 2,8 saniyəyə, 200 km/saat həddini isə 6,8 saniyəyə toplayır. Hiperkarın maksimal sürəti elektronika tərəfindən 325 km/saat həddində məhdudlaşdırılıb.
Zenvo TSR-S modeli TSR yarış avtomobilinin aerodinamik kuzov dəstinə, karbon-saxsı əyləclərə, Michelin Pilot Sport Cup 2 şinlərinə və tənzimlənən asqıya sahib olub. Modelin dəyəri və tirajı açıqlanmayıb.
