Jacob & Co. saat manufakturası mexanizmi W16 mühərrikinin işini təqlid edən Bugatti Chiron Tourbillon saatını təqdim edib. 578 hissədən ibarət əl ilə yığılan JCAM37 kalibri amortizasiya edən yaylarda quraşdırılıb. Saatın qiyməti 280.000 dollardır.
Jacob & Co. Bugatti Chiron Tourbillon modeli əl ilə qurulan mürəkkəb mexanizm ilə təchiz edilmişdir ki, bu mexanizm Chiron modelinin W16 mühərrikinin işini təqlid edən silindr blokuna, dirsəkli vala və porşenlərə sahibdir. Korpusun sağ tərəfindəki düyməyə basdıqda, val qurulan barabanlardan birini fırladaraq "mühərriki" işləməyə məcbur edir. Eyni zamanda, yan tərəfdə fırlanma anını idarə edən kiçik "turbokompressor" cütlüyü fırlanır.
Saat, 30 dərəcəlik bucaqla yana əyilən korpusu olan "süzən" turbiyona və yanacaq səviyyəsini göstərən cihaz şəklində olan yürüş ehtiyatı göstəricisini əldə edib. Mexanizm bir neçə amortizasiya edən yaylarda quraşdırılıb: qurulan başlığını yayla birləşdirilən sərt çubuq əvəzinə çevik çubuq istifadə olunur. Digər bir maraqlı cəhət - "mühərrikə" quraşdırılmış "mühərrik səsi" yaradan repetir mexanizmdir. Saatın korpusu titandan, şüşəsi isə sapfirdən hazırlanıbdır.
