Müəllif Nissan şirkəti rəsmi olaraq Altima, Maxima, Murano, Pathfinder, Rogue və Sentra modelləri üçün nəzərdə tutulmuş Midnight Edition opsional dəstini təqdim etmişdir. Bu dəstlə təchiz edilmiş altı modelin kütləvi təqdimat mərasimi Çikaqo avtosalonunda keçiriləcəkdir.
“Gecəyarısı” üçün nəzərdə tutulmuş Altima, Maxima, Murano, Pathfinder, Rogue və Sentra modelləri tündəşdirilmiş eksteryer elementlərinə, unikal qara rəngli təkər disklərinə, eksklyuziv ayaqaltılara və digər faydalı opsiyalara sahib olacaqdır. Nissan Altima, Maxima və Sentra modellərinin Midnight Edition variantları SR modifikasiyasının əsasında hazırlanmışdırlar. Bizim Nissan X-Trail kimi tanıdığımız Nissan Rogue Midnight Edition modeli SV modifikasiyasına əsaslanacaqdır. Nissan Murano və Pathfinder modellərinin “gecayarısı” modifikasiyaları isə Platinium təchizat səviyyəsində təklif ediləcəkdirlər. Qiymətlərə gəldikdə isə, dəstin qiyməti modeldən asılı olaraq dəyişə bilər. Misal üçün, Altima və Rogue Midnight Edition adi variantlardan 990 dollar, Maxima, Murano və Pathfinder Midnight Edition – 1195 dollar, Sentra Midnight Edition isə 490 dollar baha olacaqdır.
