FAW konserni Çində ikiqat təqdimatı keçirib: yığcam Bestune T77 krossoveri ilə eyni vaxtda onun böyük qardaşı Bestune T99 modeli də yenilənib. Bu, Bestune sub-brendinin üç il əvvəl debüt edən flaqman krossoveridir – o, Çin markasının ən böyük (4800 millimetr uzunluqda) və bahalı modeldir. FAW iyerarxiyasında ondan yuxarıda yalnız Hongqi avtomobilləri dururlar.
T77 modelində olduğu kimi, dəyişikliklər yalnız plastik dayağa təsir göstərib, kuzovun “dəmiri” və hətta əsas optika toxunulmaz qalıb. FAW Bestune T99 yeni bamperlərə və çərçivəsiz radiator barmaqlığına sahib olub. Üstəlik, ön və arxa tərəflərdəki işıqlanan "dişlər" yoxa çıxıblar: onların əvəzinə daha zərif LED işıqlar quraşdırılıb. Maraqlıdır ki, kuzovun rəng palitrası ixtisara salınıb: çeşiddə yalnız ağ, boz və qara rənglər qalıb. Təkər diskləri eynidir – onların diametri 20 və ya 21 düymdür.
Krossover həmçinin Bestune brendinin keçən ilin yazında təqdim edilən yeni emblemini də alıb. Bu, demək olar ki, beş nəfərlik salondakı ən nəzərəçarpan dəyişiklikdir. Transmissiyanın selektoru da dəyişdirilib, media sisteminin onlayn imkanları genişləndirilib, daxili kontur işıqlandırması genişləndirilib (seçmək üçün on iki rəng).
Heç bir texniki dəyişiklik yoxdur. FAW Bestune T99 modeli yalnız 2,0-litrlik turbomühərrik (224 at qüvvəsi, 340 Nm) və ön ötürmə ilə təklif olunur. Ən maraqlısı odur ki, krossover üçün iki fərqli avtomatik transmissiya təklif olunur! İlkin versiyalarda səkkiz pilləli “avtomat”, bahalı versiyalarda isə altı pilləli variant quraşdırılır. İlk "yüzləyə" sürətlənmə vaxtı - müvafiq olaraq 8,8 və 8,6 saniyədir, lakin maksimal sürət həddi eynidir - 210 km/saat.
Yenilənmiş krossoverlərə artıq Çində sifarişlər qəbul olunur. Krossoverin satış qiyməti 19 - 27 min dollara arasındadır. Lakin indiyə qədər FAW Bestune T99 modeli böyük tələbat ilə öyünə bilməz: keçən il 6268, bu ilin ilk on ayında isə 1945 krossover satılıb.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
