Çinin Geely şirkəti Volvo ilə əməkdaşlıqda hazırlanmış CMA (Compact Modular Archtecture) modul platformasına əsaslanan modelləri artırmağa davam etdirir. Hələlik bu platforma Tugella kross-kupe (Çində XingYue adı ilə satılır) və Preface sedanının əsasını təşkil edir, lakin tezliklə bu platformada KX11 indeksli orta ölçülü bir krossover inşa ediləcəkdir.
Üç oturacaq sırasına malik olan KX11 modeli istehsalçı tərəfindən rəsmi şəkillərdə nümayiş etdirilib, lakin güclü kamuflyajlı versiyada. “Əmtəə” versiyaya gəlincə, onun 2021-ci ilin aprel ayında Şanxay avtosalonunda təqdim ediləcəyi gözlənilir.
Yeni model haqqında bəzi təfərrüatlar məlumdur: krossover Preface modeli ilə eyni dizayn üslubuna malik olacaq, onun mühərrik çeşidinə yeddi pilləli “robot” ilə tandemdə çalışan 190 at qüvvəli 2,0-litrlik dördsilindrli benzin turbomühərriki daxil edilə bilər. Ötürmə - ön oxa olacaqdır. Qoşulan hibrid modifikasiyasının təklif ediləcəyi də istisna olunmur.
İlkin məlumatlara görə, KX11 modelinin uzunluğu 4810 millimetr, oxlar arasındakı məsafəsi isə 2805 millimetrdir. Beləliklə, krossover uzunluğu 4835 millimetr, təkər bazası 2815 millimetr olan HaoYue modelindən kiçik olacaqdır.
KX11 modelinin Çin bazarından kənar perspektivləri barədə hələlik məlumat verilməyib.
