Cəmi altı yaşı olan Koreyanın Genesis şirkəti yeni inkişaf proqramını təqdim edib. Güman etdiyiniz kimi, söhbət ümumi elektrikləşmədən gedir: 2025-ci ildən başlayaraq bütün yeni Genesis modelləri elektriklə hərəkətə gələcəklər,
2030 -cu ilə qədər isə model çeşidində daxili yanma mühərrikləri olan avtomobillər qalmayacaqdır. Eyni zamanda, Genesis ənənəvi batareyalı avtomobillər ilə yanaşı, ynacaq elementləri ilə çalışan hidrogen elektromobilləri hazırlayacaqdır. Qeyd etmək gərəkdir ki, ana Hyundai konserni uzun müddətdir ki, bu sahə ilə ciddi şəkildə məşğul olur.
Genesis Electrified G80
2030-cu ilə qədər Genesis markasının model xəttində səkkiz elektrik modelinin, istehsal həcminin isə illik 400 min ədəd olacağı bildirilir. Bütün modelləri iki zolaqlı LED fənərlər birləşdirəcəkdir. Tizerdən göründüyü kimi, belə zolaqlar ön qanaddan qapıya doğru uzanacaqdırlar.
Bəzi avtomobillərdə hərəkət istiqamətinin əksinə doğru açılan arxa qapılar (kuzov orta sütunlarından məhrum olacaq) və dönən oturacaqlar olacaqdır. Bununla belə, model xəttinin inkişaf strategiyası hələlik tam hazır deyil.
Genesis GV60
Şirkətin ilk seriya elektromobili keçən ilin yazında debüt edib - bu, Genesis Electrified G80 sedanıdır və onu Cənubi Koreyada 76 min dollardan almaq olar. İlk tam orijinal elektrik modeli - orta ölçülü Genesis GV60 krossoveri yoldadır. Bu modelin tam hüquqlu təqdimatı bu payızda baş tutacaqdır. GV60 krossoverinin istehsalının başlaması 2022-ci ilə planlaşdırılır.
Bütün hüquqlar Autograph.az saytına məxsusdur. Xəbərdən istifiadə zamanı sayta istinad etmək mütləqdir.
