General Motors konserinin tərkibinə daxil olan GMC bölməsi Hummer EV elektrokarının iştirak etdiyi yeni videoçarxı video yayımlayıb. Video cəmi 27 saniyə davam etsə də, bizi kifayət qədər məlumatla təmin edir.
Birincisi, tizerdəki elektromobilin krossover deyil, bir pikap olduğu aydındır: videodakı avtomobilin hündürlükdən çəkilmiş görüntüləri bunu təsdiqləyir. Eyni zamanda, əvvəlki tizerlərdən də məlum olduğu kimi, elektromobil iki modifikasiyada təqdim ediləcəkdir. İkincisi, Hummer EV modelinin təchiz edildiyi "yengeç rejiminin" necə işlədiyini bizə nümayiş etdiriblər: yeni elektrokar dörd təkərini də eyni istiqamətə çevirərək diaqonal üzrə hərəkət edir. Nəhayət, video GMC Hummer EV modelinin təqdimat tarixini açıqlayır - 20 oktyabr 2020-ci il.
Hummer pikapının yeni Tahoe modelinin əsasını təşkil edən GMT T1XX platformasının variantlarından biri olan BT1 platformasında inşa ediləcəyi məlumdur. Pikap və ofrouderin istehsalı, əvvəllər Chevrolet Impala və Cadillac CT6 modellərinin buraxıldığı D-HAM (Detroyt) müəssisəsində təşkil ediləcəkdir. Yeni pikapın istehsalı 2021-ci ilin ikinci yarısında başlanmalıdır.
Hummer pikapı 1000 at qüvvəsi və 15 592 Nm fırlanma anı (kəmiyyət ötürmə nisbətləri nəzərə alınmaqla təkərlərdə olduğu qədər göstərilmişdir) hasil edən üç elektrik mühərrikindən və Ultium batareyasından ibarət olan güc qurğusunu alacaqdır. Belə güc qurğusu elektrik pikapına 60 mil/saat (97 km/saat) həddinə üç saniyəyə sürətlənməyə yardım edəcəkdir.
