Mercedes-Benz G-Class modeli bundan sonra V12 mühərriki ilə təchiz edilməyəcəkdir. Lakin, V12 sevənlər heç də məyus olmasınlar. Bottropda yerləşən Brabus şirkəti onları sevindirəcək bir yeniliyi Frankfurtda nümayiş etdirəcəkdir.
Brabus GV12 900 «One of Ten» adlanan ofrouder atelye mütəxəssisləri tərəfindən təkmilləşdirilmiş M279 mühərriki ilə təchiz olunur. Brabus mühəndisləri mühərrikin silindrlərinin dizametrini artırmış, onu yeni porşen, dirşəkli var və sürgü qolları, daha iri turbokompressorlar, giriş və çıxış sistemləri ilə təchiz etmişdirlər. Nəticədə, mühərrikin iş həcmi 6,0 litrdən 6,3 litrə, hasilatı isə, 900 at qüvvəsinə və 1500 Nm-ə qədər artmışdır.
Avtomobilin doqquz pilləli transmissiyasını qorumaq üçün mühərrikin fırlanma anını 1200 Nm həddində məhdudlaşdırıblar. Müqayisə üçün, Mercedes-AMG G63 modeli 585 at qüvvəsinə və 850 Nm-ə malikdir.
Bu dəyişikliklər nəticəsində avtomobilin çəkisi 2660 kq qədər artıb. Brabus G V12 900 «One of Ten» modeli 100 km/saat həddinə 3,8 saniyəyə sürətlənir. Müqayisə üçün, Mercedes-AMG G63 bu işə 4,5 saniyə sərf edir. «Uçan kərpicin» maksimal sürəti elektronika tərəfindən 280 km/saat həddində məhdudlaşdırılıb.
Brabus G V12 900 «One of Ten» modeli kuzovun enini 10 sm artıran genişləndirilmiş təkər tağlarına, başqa bamperlərə, iri arxa spoylerəı və havalandırmalı kapota sahib olub. Ofrouder 24 düymlük təkər diskləri ilə təchiz edilir. Bundan başqa, G V12 900 modelinin təchizatına klirensi tənzimləməyə imkan verən adaptiv amortizatorlar da daxil edilib.
Salon tərtibatı müştərinin zövqünə uyğun təşkil edilir. Eyni zamanda, Brabus mütəxəssisləri arxa qapıların 90 dərəcə açılmasını təmin edən bərkitmə nöqtələrini də quraşdırmağa hazırdırlar. Qeyd etmək lazımdır ki, 10 nüsxəlik məhdud saylı tirajla buraxılacaq Brabus G V12 900 «On of Ten» modelinin qiyməti 605 min avro təşkil edir.
