Şkoda şirkəti konseptual Epiq krossoverini bir il yarım əvvəl təqdim edib. İndi isə, çex istehsalçısı Münxendə keçirilən IAA sərgisində yığcam krossoverin seriyaöncəsi versiyası nümayiş etdirilib. Skoda Epiq krossoveri çex brendinin ən əlçatan elektromobilinə çevrilməlidir və texniki baxımdan o, bu gün Münxendə keçirilən avtosalonda debüt etmiş Volkswagen ID. Cross modelinin 100 faizlik analoqudur.
Skoda Epiq krossoverinin görünüşü artıq yekunlaşdırılıb və onun 2024-cü ilin konsept avtomobilindan demək olar ki, heç bir fərqi yoxdur. Kuzovun forması, yan tərəflərin relyefi, işıqlandırma avadanlığının maraqlı forması, hətta bamperlərdəki şaquli kəsiklərin "hasarı" - bütün bunlar seriya modelinə minimal düzəlişlərlə köçürülüb. Epiq yeni korporativ Modern Solid dizayn üslubunun tam həcmdə tətbiq edildiyi ilk Skoda olacaq: indiyədək seriya avtomobillərdə yalnız bir neçə elementdən, o cümlədən Tech-Deck Face “üzündən” istifadə olunub.
Təəssüf ki, dizayndan başqa araşdırılacaq heç nə yoxdur: seriyaöncəsi avtomobilin interyeri göstərilməyib və yalnız bəzi texniki göstəricilər dərc olunub. 4,1 metr uzunluğunda olan Skoda Epiq beş nəfərlik salona və 475 litrlik dərin baqaj bölməsinə sahib olacaq. O, ön ötürməli MEB+ platformasına (əvvəllər MEB Entry adlanırdı) əsaslanır və modelin top versiyası təxminən 210 at qüvvəsi hasil edən mühərrikə və doldu batareya ilə (WLTP dövrünə uyğun olaraq) təqribən 425 kilometrlik yürüş ehtiyatına malik olacaq.
Skoda Epiq elektromobilinin tamölçülü premyerası daha sonra keçirilməlidir, çünki onun bazar debütü 2026-cı ilin ortalarına planlaşdırılıb. Bununla belə, Epiq modelinin qiymət baxımından hazırda Almaniyada 25 min avrodan başlayan qiymətlərlə satılan Kamiq ilə müqayisə oluna biləcəyi bəyan edilib.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
