Müəllif Bir müddət bundan əvvəl Italdesign Giugiaro studiyası mart ayında keçiriləcək Cenevrə avtosalonunda keçən yeni konsepti göstərmək niyyətində olduğunu bildirmişdi. İtalyanlar artıq konsept avtomobilinin növbəti tizerini də dərc etmişdilər. Bu günlərdə onlar növbəti tizeri də yaymışdırlar. Xatırladaq ki, keçən ilki sərgidə italyan studiyası hər kəsi Shooting Brake tipli kuzovu olan GTZero konsepti ilə heyrətə gətirə bilmişdir.
Bir müddət bundan əvvəl italyan dizayn atelyesi Cenevrədə yeni bir konseptlə çıxış edəcəyinə işarə vuran iki tizeri dərc etmişdir. İlk tizer keçən il atelye tərəfindən təqdim edilmişdir və bu tizerdə yanacaq çəninin qapağına bənzəyən qapaq təsvir edilmişdir. Lakin, bu sizi o qədər də yanıltmasın - bizim fikrimizcə italyan atelyesi növbəti maraqlı elektomobil konseptini hazırlayır. Xatırlatmaq istərdik ki, keçən il nümayiş etsdirilmiş GTZero konsepti də elektriklə hərəkətə gəlirdi. İkinci tizer Italdesign Giugiaro tərəfindən keçən ay dərc edilmişdir ki, bu tizerdə də gələcək konseptin ön işıq texnikası əks olunur. Tizerdə yüksək texnologiyalardan istifadə edilərək hazırlanmış altıbucaqlı formaya malik olan fənər təsvir edilmişdir.
Ola bilər ki, bu fənər işıqdiodlarından hazırlanmışdır, lakin biz burada vaxtilə Gea konseptində tətbiqini tapmış Audi şirkətinin lazer texnologiyasına rast gəlsək heç də təəccüblənmərik.
Bundan əlavə tizerdə maraqlı ismarıc da vardır: «Bu il biz 5 xüsusi hadisəni işıqlandıracağıq. Beş uzaqgörən kolleksiyaçı üçün». Bu sözlərdən iki nəticə çıxarmaq olar. Ola bilər ki, biz Cenevrədə beş ədədlik məhdud tirajla buraxılacaq və xüsusi kolleksiyaçılara qismət olacaq avtomobili görəcəyik, yaxud il ərzində xüsusi seçilmiş kolleksiyaçılar üçün beş müxtəlif avtomobil hazırlanacaqdır. Hər halda, biz ikinci varianta daha çox üstünlük veririk. Səbəbi isə, bir müddət bundan əvvəl italyan atelyesinin başçısı Yorq Astaloşun Automotive News Europe nəşrinə verdiyi müsahibəsində Italdesign Giugiaro studiyasının «birdən yüzə qədər sayı olan və xüsusi sifarişlə bir nüsxədə hazırlanacaq» avtomobilləri buraxılması planını səsləndirməsidir.
