Koreyanın SsangYong şirkəti keçən il KG Group konqlomeratının tərkibinə daxil olduqdan sonra, KG Mobility (KGM) adlanır. Avtomobillər artıq rebrendinqdən keçib, lakin tanış adları saxlamaq qərara alınıb. Üstəlik, köhnə adlardan biri - Actyon adı da geri qaytarılıb. İlk SsangYong Actyon 2005-ci ildə debüt edib: o, çərçivəli konstruksiyaya malik idi, eyni zamanda kupeşəkilli krossoverlər sinfinin yaradıcılarından biri olmuşdu. Bu model 2011-ci ilə qədər (2017-ci ilə qədər Nomad adı ilə) istehsal edilmişdi.
Sonradan Actyon adı yalnız bir sıra ixrac bazarlarında istifadə edilirdi: məsələn, ofrouder müəyyən bazarlarda SsangYong Korando adı altında satılırdı. Anacq indi Actyon adı Koreyada yenidən canlandırılıb - bu, KGM brendinin yeni krossoverinin adıdır.
Əslində, bu, müasir KGM Torres krossoverinin variantlarından biridir. Lakin Actyon donorundan dəyişdirilmiş dizaynı, arxa tərəfdə “kürək çantaları” olmayan dizaynı və minimum rənglənməmiş plastiki ilə fərqlənir.
Actyon modelinin ölçüləri də orijinala yaxın olacaq: Torres modelinin uzunluğu 4700 millimetr, eni - 1890 millimetr, hündürlüyü isə, 1720 millimetrdir. Təkər bazasının ölçüsü 2680 millimetrdir.
KGM Actyon krossoverinin interyeri üzərindəki sirr pərdəsi hələlik götürülməyib, lakin burada Torres modelindəki oxşar həllərin tətbiq ediləcəyini gözləmək olar. Məsələn, üç ekranlı ön panel arxitekturası. Bununla belə, interyeri Torres EVX elektromobilindən də götürmək olar - burada cütlənmiş günlüksüz ekran və süzən mərkəzi tunel var.
Koreya mətbuatının yazdığına görə, KGM Actyon yeni hibrid sistemə sahib olacaq, baxmayaraq ki, orijinal Torres modelinin belə bir versiyası yoxdur: o, yalnız elektrik və benzin versiyalarında mövcuddur.
Sonuncu 1,5 T-GDI turbomühərriki (170 at qüvvəsi, 280 Nm) və altı pilləli Aisin avtomatik transmissiyasına malikdir. Ötürmə ön və ya tam ötürməli ola bilər (arxa oxda mufta ilə). Elektrik versiyası 204 at qüvvəli yeganə elektrik mühərriki və ön ötürmə ilə təklif olunur.
KGM Actyon modelinin tam debütü və satışlarının başlanması cari ilin avqust ayına planlaşdırılıb. Cənubi Koreyada əvvəlcədən sifarişlər qəbuluna başlansa da, nə qiymətlər, nə də təchizat səviyyələrinin tərkibi açıqlanmayıb.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
