Lamborghini ilk elektromobilin buraxılışını təxirə salmağın düzgün addım olduğunu hesab edir

Lakin bu ilin əvvəlində şirkət “2+2 Ultra-GT” kimi səciyyələndirdiyi modelin qoşulan hibrid olacağını bəyan edib. Səbəb kimi isə, dəbdəbəli superkarlar seqmentində elektromobillərə olan tələbatın aşağı olduğu göstərilib. Ferrari isə, əksinə öz vədini yerinə yetirib və zərərli tullantıları olmayan avtomobili təqdim edib. İctimayyətin Luce modelinə olan reaksiyası isə, artıq məlumdur.

“AutoExpress” nəşrinə müsahibə verən Lamborghini Urus və debütü gözlənilən Lanzador layihəsinin direktoru Stefano Kossalter – “biz digər istehsalçıların hərəkətlərini şərh etmirik, lakin bizim strategiyanın doğru olduğunu hesab edirik”, - deyib. “Söhbət texnologiyaların mənimsənilməsi və mükəmməliyindən gedir, çünki elektromobil buraxmaq lazımdırsa, o, xarakteristikalar baxımından sənət əsəri olmalıdır”.

Stefano Kossalter bazarda BYD və Xiaomi şirkətləri kimi Çin istehsalçılarının avtomobilləri də daxil olmaqla, çoxsaylı yeyin elektromobillərin olduğunu qeyd edib. Lakin düz yolda sürətlənmənin Lamborghini şirkətini maraqlandıran yeganə xüsusiyyətin olmadığını da qeyd edib. “Hesab edirəm ki, bu texnologiyalar Lamborghini elektromobilinin təklif etməli olduğu emosiya və xarakteristikalar üçün kifayət qədər yetkin deyil”, - Kossalter qeyd edib.

“Məni düzgün anlayın, mən elektromobillərin əleyhinə deyiləm! Əksinə, onların tərəfdarıyam. Mühəndislik nöqteyi-nəzərindən onların dəqiqiliyi və idarələnmə effekti çox xoşuma gəlir. Bəlkə də idarəetməsindən böyük həzz alınacaq həqiqətən gözəl elektromobili yaratmaq olar, lakin söhbət təkcə layiqli xarakteristikalardan getmir, emosiyalar da təmin edilməlidir”, - Kassalter əlavə edib.

Qeyd etmək gərəkdir ki, Lamborghini elektromobil yaratmaq planlarında tamamilə imtina etməyib, yalnız bu planı təxirə salıb. Bu ilin əvvəlində italyan istehsalçısı “texniki cəhətdən elektromobil yaratmağa hazır olduğunu” bildirib. Bunu Kossalter də təsdiq edib və batareyaların, elementlərin kimyəvi tərkibiləri və digər kompomemtlər üzərində çalışmaların davam etdirildiyini bildirib.

Bununla belə, Lamborghini əsas üstünlüyü hibrid texnologiyalara verir. Artıq qeyd etdiyimiz kimi, Lanzador istənilən halda buraxılacaq, lakin qoşulan hibrid güc qurğusu ilə... Urus krossoverinin növbəti nəslinin isə, 2029-cu ildə debüt edəcəyi gözlənilir və o da tərkibinə V8 mühərriki daxil olan plagin hibrid aqreqatı ilə hərəkətə gələcək. Bundan əlavə, əfsanəvi V12 mühərrikinin 2030-cu ildən sonra da buraxılacağı təsdiqlənib.

©  Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.