Yeni Defender artıq təvazökar bir zəhmətkeş deyil, statusa malik olan və bahalı bir ofrouderdir. Buna görə də, V8 mühərriki ilə təchiz edilmiş top versiyanın debütü yalnız zaman məsələsi idi. Artıq Land Rover Defender ofrouderinin modifikasiya çeşidində belə bir variant var. Səkkizsilindrli ofrouderi həm beşqapılı, həm də qısa üçqapılı kuzovla sifariş etmək olar.
Ümumiyyətlə, səkkizsilindrli mühərriklər Defender üçün yenilik deyil. İlk dəfə belə bir mühərrik 1979-cu ildə Land Rover Series III modelində peyda olub - bu, Rover minik avtomobillərindən götürülmüş 90 at qüvvəli 3,9-litrlik karbüratorlu mühərriki idi. Daha sonra mühərrikin gücü 135 at qüvvəsinə qədər artırıldı. Keçən əsrin 90-cı illərində Amerika bazarında satılan Defender modellərini 182 at qüvvəli 3,9-litrlik püskürtməli V8 mühərriki və "avtomat" tranmissiya ilə təchiz etməyə başladılar.
1998-ci ildə isə, ofrouderin 50 illik yubileyinə həsr edilmiş və 4,0-litrlik V8 mühərriki ilə təchiz olunmuş Defender 50th Anniversary modeli təqdim olundu. Baza modelinin istehsalının dayandırılmasından sonra, 5,0-litrlik mühərriklə təchiz edilən məhdud saylı seriyadan olan Defender Works V8 ofrouderi buraxıldı.
Yeni Defender, ofrouderində, Range Rover modellərinin bahalı versiyalarından tanış və Ford köklərinə sahib olan kompressorlu 5,0-litrlik V8 mühərriki quraşdırılır. Güc aqreqatı 525 at qüvvəsi və 625 Nm fırlanma anı hasil edir. Mühərrik yenidən tənzimlənmiş səkkiz pilləli «avtomat" ilə tandemdə çalışır. Hərəkət elektronikası yeni Dynamic rejiminə malik olub. Eyni zamanda, ofrouder, standart əyləclərdən istifadə edərək dartma vektoruna nəzarət edən aktiv arxa differensialın elektron təqlidinə sahib olub.
Qısabazalı Defender V8 modeli 100 km/saat həddinə 5,2 saniyəyə, daha ağır uzunbazalı variant isə 5,4 saniyəyə, yəni 400 at qüvvəli altısilindrli mühərrikə sahib olan versiyadan 0,7 saniyə daha yeyin sürətlənir. Maksimal sürət - 240 km/saatdır. Avtomobilin şassisi artmış göstəricilərə uyğunlaşdırılıb: elastik elementlər dəyişdirilib, stabilizatorlar qalınlaşdırılıb və əyləc diskləri böyüdülüblər. Defender V8 modelini səsboğucu sistemin dörd çxış borusu, mavi əyləc supportları və orijinal 22-düymlük təkər diskləri sayəsində tanımaq olar.
Eyni zamanda, Defender V8 modeli yeni avadanlıqlara sahib olub. Məsələn, Pivi Pro mediasistemini artıq standart 10-düymlük ekranla müqayisədə 60% daha böyük olan 11,4-düymlük ekranla sifariş etmək olar. Siqnal gücləndiricisinə sahib olan qadcetlərin simsiz doldurulması cihazı da var.
First Edition "xoş gəldiniz" modifikasiyası demək olar ki, bütün xarici dekoru kuzov rənginə boyanmış XS Edition variantı ilə əvəz olunub. V8 mühərrikli avtomobillər üçün əsas xüsusiyyətləri kuzovun tutqun rəngli örtüyü və damın, kapotun və arxa qapının qara rəngi olan Carpathian Edition versiyası təklif olunur.
