Arxa ötürməli platformada inşa ediləcək yeni Mazda 6 layihəsi ləğv edilib, lakin on il əvvəl debüt etmiş GJ seriyasından olan hazırkı model hələ də istehsaldadır və təqaüdə çıxmaq niyyətində deyil. Üstəlik, Mazda 6 modeli daha bir təkmilləşdirməyə məruz qalıb: təkmilləşdirilmiş modelin təqdimatı vətəni Yaponiyada baş tutub. Yeri gəlmişkən, şirkət daxili bazarda Mazda Atenza adından hələ 2019-cu ildə imtina edib və o vaxtdan bəri Yaponiyada qlobal 6 indeksindən istifadə olunur.
Mazda 6 modelinin eksteryerində dəyişiklik olmayıb, salondakı yeniliklər isə yalnız yenidən baxılmış tərtibat materiallarından ibarətdir. Lakin bir yenilik var: modelin avadanlıqlar siyahısına smartfonların simsiz doldurulması sistemi əlavə edilib.
Əvvəllər olduğu kimi, Mazda 6 təkər bazası 2830 millimetr olan sedan və oxları arasındakı məsafə 2750 millimetr olan universal kimi təklif edilir. Sükan mexanizminin elektrik gücləndiricisi yenidən tənzimlənib: artıq daha dəqiq reaksiyalar vəd edilir.
Ən güclü 2,5-litrlik benzin “turbodördlüyü” Yaponiyadakı mühərrik çeşidindən çıxarılıb (digər bazarlarda qalacaqdır). Bununla yanaşı, 2,2-litrlik Skyactiv-D turbodizeli təkmilləşdirilib: Mazda Yaponiya bazarında dizel avtomobillərini təbliğ edən azsaylı şirkətlərdən biri olaraq qalır.
Mühərrikin gücü 190-dan 200 at qüvvəsinə qədər artırılıb, üstəlik, dövrələrin pik həddi 4000-dən 4500 dövr/dəqiqəyə qədər artırılıb. Maksimum fırlanma anı dəyişməyib - 450 Nm. Lakin yüksək dövrələrdə dartma qüvvəsi daha çoxdur. Akselerator pedalının tənzimləmələri mühərrikin yeni xarakterinə uyğunlaşdırılıb.
2,0-litrlik (156 at qüvvəsi) və 2,5-litrlik (190 at qüvvəsi) atmosfer mühərrikləri də dəyişməyiblər. Bütün mühərriklər yalnız altı pilləli "avtomat" ilə tandemdə çalışırlar. Dizel versiyaları isə, arxa oxda muftası olan tam ötürmə sistemi ilə təchiz edilə bilərlər və bu seçim həm universallar, həm də sedanlar üçün əlçatandır.
Mazda 6 modelinin 20 illiyinin şərəfinə xüsusi 20th Anniversary Edition yubiley versiyası da hazırlanıb. Yubiley versiyasının əsas cəhətləri kuzov daha dolğun firma rəngləri (qırmızı və ağ), ön qanadlardakı nişanlar, gümüşü rəngli radiator barmaqlığı, orijinal 19-düymlük təkər diskləri, ikirəngli interyer tərtibatı və xüsusi nəşrin oturacaq başlıqlarındakı basma-naxış şəklində olan loqolarıdır. Bol qara dekoru olan Sport Appearance paketi də sifariş üçün əlçatandır.
Yapon bazarında təkmilləşdirilmiş Mazda 6 sedan və universalları dekabrın sonunda peyda olacaqlar. Yerli bazardakı satış qiymətləri 22 - 35 min dollar arasında dəyişir.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
