Yaponiya bazarında satılacaq yenilənmiş Mazda3 modeli təqdim olunub. Model yeni kuzov rəngini və media sisteminin böyüdülmüş ekranını, həmçinin təkmilləşdirilmiş elektron köməkçiləri alıb. Bundan əlavə, “şəbəkə” funksiyalarının siyahısı genişləndirilib: mühərrikin uzaqdan işə salınması, ikinci sürücüyə nəzarət və həyəcan siqnalının işə düşməsi zamanı mühafizə şirkətinin əməkdaşının avtomatik çağrılması əlavə edilib.
Yaponiya bazarında Mazda3 sedanı və hetçbeki yeni Ceramic Metallic kuzov rəngini və media sisteminin 10,25-düymədək böyüdülmüş ekranını alıb. Sonuncuya USB-C konnektorları və qadcetlər üçün simsiz doldurma sistemi əlavə olunur. Inattentive Warning funksiyası sayəsində avtomobil sürücünün sayıqlığını itirməsi barədə xəbərdarlıq verməyi öyrənib. Bundan əlavə, Mazda3 müxtəlif maneələri və piyadaları tanımağı öyrənib.
Digər yeniliklər arasında MyMazda proqramı vasitəsilə mühərrikin uzaqdan işə salınması daxildir, lakin bu, yalnız avtomatik transmissiyası olan avtomobillər üçün əlçatan olacaqdır. Avtomobil həmçinin başqa bir sürücünün sürət həddini aşması və ya müəyyən edilmiş geozonadan çıxması barədə məlumat verəcək, habelə salona kənar şəxslərin daxil olması halında təhlükəsizlik şirkətinin əməkdaşlarını da çağıracaqdır. Bütün bu xüsusiyyətlər 1,5-litrlik Skyactiv-G mühərriki istisna olmaqla, istənilən mühərrikli Mazda3 modelləri üçün əlçatandır.
Yaponiya bazarı üçün mühərriklər çeşidinə e-SkyActiv-G 2.0 hibrid qurğusu (156 at qüvvəsi, 199 Nm), Skyactiv-D 1,8 dizel (130 at qüvvəsi, 270 Nm) və kompressorlu e-Skyactiv X (190 at qüvvəsi, 240 Nm) daxildir. Transmissiyalar - altı pilləli mexaniki və ya avtomatik ötürmələr qutularıdır. Mazda3 modeli ön və ya tam ötürməli ola bilər.
Bütün hüquqlar Autograph.az saytına məxsusdur. Məqalədən istifadə zamanı sayta istinad etmək mütləqdir.
