Mercedes-Benz şirkəti Şanxay avtosalonunda W206 nəslindən olan yeni C-Class sedanının uzadılmış versiyasını nümayiş etdirib: avtomobil standart sedandan 89 millimetr artırılmış təkər bazası (2954 millimetr) və 131 millimetr artırılmış ümumi uzunluğu (4882 millimetr) ilə fərqlənir.
Uzunluğu artırılmış Mercedes-Benz C-Class sedanı ənənəvi olaraq yalnız Çin bazarında təklif edilir: uzun təkər bazası olan modifikasiyasını arxa sütunlardakı L hərfi şəklindəki loqotipləri və “nişangahı” olan klassik xrom barmaqlığı sayəsində tanımaq olar.
Opsional olaraq, C-Class modelini “beynəlxalq” versiyada quraşdırılan, böyük üçşüalı ulduzu və eninə zolağı olan “idman” barmaqlığı ilə də sifariş etmək mümkündür.
Mercedes-Benz C-Class L sedanın salonu, 11.9-düymlük mərkəzi ekrana sahib olan adi W206 modelinin top versiyası ilə eynidir. Lakin uzunbazalı versiya, arxa sərnişinlərin ayaq zonasındakı əlavə məkanla yanaşı, bütöv arxa divanın əvəzinə konsol ilə böyünən fərdi oturacaqları alıb. Bu konsolda fincan tutacaqları və qadcetlərin doldurulması üçün girişlər quraşdırılır. Bundan əlavə, Çin bazarı üçün hazırlanmış versiya asqının daha rahat tənzimləmələri və salonun əlavə səs izolyasiyası ilə seçilir.
