Mercedes-Benz şirkəti Avropada satılan EQC elektrik krossoverinin iki yeni versiyasını təqdim edib: başlanğıc 400 4Matic və idman dizaynlı 400 4Matic AMG Line. Birinci krossover 66.068 avrodan, ikinci isə 73.208 avrodan başlayan qiymətlər ilə satılır.
Mercedes-Benz EQC 400 4Matic AMG Line krossoveri eyni adlı idman paketi alacaqdır: dəstin tərkibinə xrom elementləri olan qara radiator barmaqlığı, parlaq qara dekorativ əlavələr, qara diffuzor, kuzov rənginə boyanmış yan güzgülərin gövdələri və 19- düymlük təkər diskləri daxildir. Krossoverin avadanlıq siyahısına, güclü yan dəstəyi, boz tikişləri olan dəri və Dinamica mikrofiberi ilə örtülmüş oturacaqlar, idman sükan çarxı və qara rezinləmiş əlavələr olan pedallar daxildir.
Hər iki versiyada da 408 at qüvvəli güc qurğusu ilə təklif edilir. EQC 400 4 Matic modeli 100 km/saat həddini 5.1 saniyəyə toplayır. Krossoverin maksimum sürət həddi elektronika tərəfindən 180 km/saat həddində məhdudlaşdırılır. Elektromobil 80 kilovat-saatlıq batareya ilə təchiz olunur və dolu batareya ilə 360 kilometr məsafə qət edir.
Bu arada, Çin bazarında EQC modelinin daha zəif versiyası satılır: bu, 286 at qüvvəli güc qurğusuna və 79,2 kilovat-saatlıq batareyaya sahib 350 olan 4Matic modifikasiyasıdır.
