Hər kəs Mercedes-Benz şirkətinin məşhur loqosu olan üçqollu ulduzun yerdə, suda və göylərdə hökmüranlıq anlamını daşıdığından agahdır. Bu günərdə alman istehsalçısı bu anlamın əyani sübutunu özündə əks etdirən qısa filmi yayımlamışdır. Məşhur xəfiyyə Ceyms Bond haqqında çəkilmiş filmləri xatırladan görüntülərdə Mercedes-Benz S-Class Cabriolet modeli ilə yanaşı, «Mercedes» ismli Arrow460-Granturismo yaxtası və Mercedes-Benz Style tərəfindən dizayn edilmiş Airbus H415 helikopteri çəkilmişdir.
Xatırladaq ki, 14 metrlik uzunluğu olan Arrow460-Granturismo yaxtası Mercedes-Benz şirkəti və Britaniyanın Silver Arrows Marine tərsanəsini birgə məhsludur. Arrow460-Granturismo yaxtasının kabinası idman avtomobillərini xatırladır.
Yan pəncərələr avtomatik şüşəqaldıranılarla təchiz edilmiş, alın şüşəsi isə açılan lyuku xatırladır. Yaxtanın panoram damı «ağıllı» şüşədən düzəldilmişdir ki, gün işığının intensivliyindən aslı olaraq onun tündlük dərəcəsi avtomatik olaraq dəyişir.
Yaxtanın salonu da yüksək kefiyyətli materiallardan hazırlanmışdır. Kayutanın rahat oturacaqları tünd-göy bə boz rəngli nubukla örtülmüşdür. Salonun divarları evkalipt ağacından düzəldilmiş panellərlə örtülmüşdür. 10 nəfərlik salon yüksək transformasiya imkanları təklif edir ki, lazın gəldikdə onu həm yemək otağına, həm də yataq otağına çevirmək olar.
Yaxta standart olaraq vanna otağı, ayrıca qarderob, klimat-kontrol sistemi, yüksək kefiyyətli audio-sistem, «şərab anbarı» və buz hazırlayan maşınla təchiz edilir. Arrow460-Granturismo yaxtası hər birinin gücü 480 at qüvvəsi olan iki ədəd Yanmar 6LY3-ETP dizel güc aqreqatı ilə hərəkətə gəlir. Bu güc aqreqatları yaxtanı 28-30 dəniz mili kreyser sürəti ilə təmin edir.
Yaxtanın maksimal sürəti isə 40 dəniz milinə bərabərdir. Belə yüksək göstəricilərə, hesablama hidromexanikasının alqoritmlərindən istifadə edilərək yaradılmış korpusun unikalı konstruksiyası sayəsində nail olunmuşdur. Mercedes-Benz Style və Silver Arrows Marine şirkətlərinin hazırladıqları Arrow460-Granturismo yaxtasının satış qiyməti 1250000 avrodan başlayır.
