Müəllif Jaguar şirkəti Detroyt avtosalonunun çərçivəsində F-Type sportkarının yenilənmiş variantının buraxılışına həsr edilmiş xüsusi 400 Sport modifikasiyasını anons etmişdir. Jaguar F-Type 400 Sport modifikasiyası yalnız bir il müddətində təklif ediləcəkdir.
Xüsusi seriyadan olan sportkarlar üçün S-modifikasiyasından alınmış üç litrlik kompressorlu altı silindrli mühərrikin təkmilləşdirilmiş variantı təklif edilir.
Yenilənmiş mühərrikin gücü 380 at qüvvəsindən 400 at qüvvəsinə kimi artırılmışdır. Bütün xüsusi avtomobillər səkkiz pilləli avtomatik sürətlər qutusu ilə təchiz edilsələr də, alıcılar arxadan çəkiş və tam ötürməli çəkiş arasında seçməli olacaqdırlar. Jaguar şirkətinin nümayəndələri 400 Sport modifikasiyasının dinamik xarakteristikaları barədə məlumat verməmişdirlər. Mexaniki ötürmələr qutusu və monoötürmə ilə təchiz edilmiş 380 at qüvvəli Jaguar F-Type kupesi 100 km/saat həddinə 5,5 saniyəyə sürətlənir. AVtomatik ötürmələr qutusu və tam çəkiş sistemi ilə təchiz edilmiş avtomobil bu işə 5,1 saniyə sərf edir.
Bundan başqa, F-Type 400 Sport kupesi arxa oxda mexaniki özüqapanan differensialın və öndə 380 millimetrlik, arxada 376 millimetrlik diskləri olan əyləc mexanizmləri ilə seçiləcəkdirlər.
Eyni zamanda, xüsusi versiya üçün kosmetik yenilənmələr dəsti hazırlanmışdır. Bunlar kuzovun üç rəngi ( İndus Silver, Santorini Black və Yulong White), öndə və arxada bərkidilən «400» emblemləri, tünd-boz rəngli 20-düymlük təkər diskləri və daha aqressiv kuzov parçaları dəstidir.
Salonda isə xüsusi emblemləri, seçilən tikişləri, alüminium əlavələri və 12 istiqamətdə tənzimlənən daha yüngül Performance oturacaqlarını görmək olar. Yenilənmədən sonra Jaguar F-Type sportkarı dörd nüvəli prossesoru olan, həmçinin trekdə gedişi və telemetriyanı yazmağa imkan verən GoPro kameralarını dəstəkləyən yeni multimedia sistemi ilə təchiz edilir.
Model eyni zamanda maqnezium qarışığından karkası olan yüngülləşdirilmiş oturacaqları və işıqdiodlarından hazırlanmış adaptiv fənərləri əldə etmişdir.
