Müəllif Mercedes-Benz G-Class modelinin növbəti nəslinin prototipi yüksəklik şəaritində sınaqlar zamanı aşkar olunur. W464 zavoddaxili indeksini almış ofroder kvadrat formalarını qoruyub-saxlasa da, salonda genişliyi təmin etmək üçün 10 santimetr genişlənmiş kuzovla təchiz edilmişdir.1970-ci ildən bəri istehsal edilən ofroderi əvəz edəcək model dizyn cəhətdən sələfinə oxşasa da, mexaniki cəhətdən ciddi dəyişikliklərə məruz qalacaqdır.
Ofroderin dördüncü nəslinin əsasını tamamilə yeni platforma təşkil edəcəkdir ki, onun sayəsində də avtomobil, inanılmaz görünsə də, 410 kiloqram “arıqlayacaqdır”. Bununla yanaşı, avtomobil rahatlığı və stabilliyi təmin edən yenilənmiş asqı sistemini əldə edəcəkdir. Avtomobilin mühərrik çeşidinə daha qənaətcil və ekoloji cəhətdən effektiv olan mühərriklər daxil ediləcəkdir. Bu mühərriklərin sırasında yenilənmiş Mercedes-Benz S-Class modeli ilə birlikdə debüt edəcək 313 at qüvvəli altı silindirli turbodizelin daxil ediləcəyi də məlumdur. Növbəti nəsil G-Class modelinin 2017-ci ildə işıq üzü görəcəyi söylənilir.
